Bugungi kundagi musulmonlarning boshlariga yetgan katta musibatlardan biri, ularning yahudiy, nasroniy va ulardan boshqa jahannam ahlidan bo'lgan kofirlarga o'xshashlaridir. Ya'ni ba'zilari ular qilgan amallarni qilishadi. Ularga Rasululloh saw ning "Sizlar o'zlaringizdan avval yashab o'tgan(xalqlar)ga izma-iz ergashasizlar. Xatto zab(kaltakesakka o'xshaydigan hayvon) iniga kirgan bulsalar sizlar ham kirasizlar" deb aytgan so'zlari munosib bo'ldi.

Rasululloh saw sahobalarning "Yo rasululloh, ular yahudiy va xristianlarmi?" - deb bergan savollariga "Bo'lmasa kimlar?" - deb javob berdilar
(Imom Buxoriy va Muslim rivoyatlari).

Boshqa bir rivoyatda "Xatto, ulardan biri o'z onasiga ko'chada jinsiy aloqa qilgan bo'lsa, sizlar ham shunday qilasizlar" hadisi ham keladi
(Sahih Hadis, Hakim rivoyati).

Demak bu qonundir. Xatto biz, Islom diniga mansub bo'lgan ko'plab musulmonlarni kofir bo'lgan xalqlardan ajrata olmay qoldik. Ular bir necha qismlar bo'lindilar:

1-qism: Kibrlilari yoki dinni taxqirlaganlari yoki dunyoga berilganlari sabbabli Islom dinidan butunlay voz kechib, o'z xohishlariga ergashib, ishlari rasvo bo'lgan odamlar.

Alloh jj bizlarni ulardan biri bo'lib qolishdan saqlasin, ziyonkor, xor, xo'r va afsus chekuvchi toifa, agar Allohga qaytib, tavba qilib, iymonlarni yangilamasalar, og'ir hayot kechiradigan, qiyomat kuni ko'r bo'lib turg'iziladigan va jahammaga ravona bo'ladigan toifadir.

2-qism: Birinchi hijriy asr-sahobalar hayotidagi dinni ushlash va unda sobitqadam bo'lishga quvvat topa olmagan odamlar. Bu qismdagi odamlar Islom dini bilan boshqa dinlarni birlashtirib, bilmagan odamlarni xursand qilish uchun "modern" Islomnig keltirib chiqardilar. Natijada, oyat va hadislarning ma'nolarini buzib, o'rinsiz yerlarda iste'mol qildilar.

Odamning aksariyati kofirlarga ongsiz zaif iymonli holatda ergashib, haqiqat va tog'ri yo'lni ko'rsatib, unga yo'llaydigan odamni topa olmayapdilar.

3-qism: Alloh taolo haqiqatga hidoyat va unda sobitqadam qilgan odamlar. Ular bu yoldan Rasululloh sollollohu alayhi vasallamga Kavsar oldida duch kelgunlariga qadar ajralmaydilar va uni o'zgartmaydilar. Ular Rasululloh saw : "Ummatimning bir toiifasi haqiqat uzra qoladi. Ular yordamsiz tashlab qo'yilsalar-da, o'z hollarida qoladilar" - deb bergan ahll haq (haqiqat egalari) va nusratga erishuvchi toidadir
(Imom Muslim rivoyati).

Alloh taolo bizlarni ham ularning (3-qism) toifasidan qilsin, zafar quchgan toifadir. Ular kofirlarni o'zlari uchun teng ko'rmagan, balki, ulardan uzoq bo'lgan toifadir. Balki, kofirlarning bizdan va dinimizdan o'rnak olib, unga ergashishlari ular uchun iftixordir.
Chunki izzat va sharof Allohniki, rasuliniki va barcha musulmonlarnikidir.

Zamondoshlarimiz ichida yahudiy va nasroniylarga barcha narsalarda, xatto kufr bayramlarida ham ergashayotgan hamda taraqqiyot va madaniyat yahudiy va nasroniylarga barcha narsalarda ergashishdadir, deb gumon qilayotgan va o'zini Islom diniga mansub deb hisoblayotgan johil musulmonlarning holi juda ham achinarli va ajoyibdir. Chunki ularning bu hollari o'z sharaflarining manbai bo'lgan dinlaridan chetlanganlari sabablidir.

Rasululloh saw : "Kim bir xalqqa o'xshasa, bas, u ulardan biridir" - dedilar
(Abu Dovud "Sunan", sahih hadis).

Ushbu haqisda ham musulmon bo'lmagan xalqlarga o'xshash uchun qattiq jazo belgilanmoqda. Demak, taqvoli va solih odamlarga o'xshagan kimsa, ulardan biridir. Yahudiy va nasroniyga o'xshagan kimsa esa, Alloh saqlasin, ulardan biridir.

Alloma Ibn Kasir rahimatullah ushbu hadisning sharhida shunday deydi: "Ushbu hadisda mo'minlarning so'zlari, ishlari, kiyimlari, ibodatlari va bizga shariat buyurmagan va iqror bo'lmagan narsalarda kofirlarga o'xshahlari ta'qiqlangan"
(Baqara, 104-oyat tafsiridan).

Rasululloh saw dedilar: "Boshqalarga o'xshagan kimsalar bizdan emasdir. Yahudiy va nasroniylarga o'xshamanglar! Bas, yahudiylarning salomi barmoqlar bilan, nasroniylarniki esa kaft bilan ishora qilishdir"
(Sahihul Jome'dan).

Allahu Akbar! Rasululloh saw ning sunnatlariga ergashmagan, uning sunnatlaridan voz kechgan, balki, sunnatlarni masxara qilgan hamda kofirlar hayotining asosini tatbiq qilib "Men Rasululloh saw ga ergashaman" - deb aytsa-da, kofirlar hayotidagi barcha narsalarni, hatto, ikir-chikirlarni ham olib, ularga qalbida hurmat-ehtirom va hayratlarini yashirgan kishini holi nima bular ekan?!

Muhammad saw madina shahriga ko'chib kelganlarida madinaliklarning 2ta bayrami bor edi. Rasululloh saw : "Bu qanday kunlar?" - deb so'radilar. Madinaliklar: "Biz johiliyat davrida bu kunlarda bayram qilar edik" - dedilar. Rasululloh saw : "Alloh taolo sizlar uchun bu ikki kuningizni qurbon va ramazon bayramlariga alishtirdi" - dedilar.
(Abu Dovud "Sunan" sahih hadis).

"Allohga va oxirat kuniga iymon keltirgan kishilarning Alloh va rasuliga dushman bo'lgan kishilarni, garchi otalari, o'gillari, og'alari va qarindoshlari bo'lsa-da, do'st tutganlarini ko'rmaysiz" - deb Alloh aytib quyibdi (Mujadila, 22)