Shoira, bastakor hamda xonanda Shahnoz, yangi qo'shiqlarini tez orada muxlislari uchun taqdim etishga hozirlik ko'rmoqda. Yangi taronalarning aksariyatini o'zi yozgan. Shu bilan birga u, o'zining prodyusserlik markazini ochishni rejalashtirmoqda.

Prodyuserlik markazi qanday nomlanishini esa, hozircha xonandamiz sir tutmoqda. Shahnozning "Shahnoz va uning do'stlari"deb nomlangan ilk albomi sotuvga chiqarildi va unda 181ta tarona jamlangan. Endilikda ikkinchi albomi ustida qizg'in tayyorgarlik ishlarini olib bormoqda.

Taniqli shoirimiz Bobur Bobomurod 27 fevral kuni 40 bahorni qarshi oldi. Uning 40 yillik kichik yubileyi bilan SB.uz portali ijodiy guruhi nomidan chin dildan muborakbod etamiz va yubiley kechasida tushirilgan bir qator fotosuratlarni e'tiboringizga havola etamiz.

Bobur Bobomurodning yubiley kechasida estradamizning bir qator vakillari ishtirok etishdi. Jumladan, Sardor Rahimxon, Ulug'bek Rahmatullaev, Samandar, Ozodbek Nazarbekov, Afsona, Sherbek, Dilfuza Rahimova va boshqalar. O'zlarining ajoyib kuy va qo'shiqlari ila o'z tabriklarini izhor etishdi.

Estrada olamida porlab borayotgan estradamiz yulduzi Nilufar Usmonova yangi qiyofada namoyon bo'ladi. Albatta har bir xonandaga nafaqat ijod qilish, balki o'z imijini ham tez-tez o'zgartirish xos. Demak, Nilufarning yangi imijiga baho beradigan vaqt keldi.

Xabaringiz bor Nilufar Usmonovaning so'nggi taronasi "Aybim sevganim" qisqa muddat ichida mashhurlik shoh-supasiga chiqa oldi. Biz Nilufardan mana shu kabi hit taronalarni kutishda davom etamiz. Hozircha esa uning yangi qiyofasiga baho beraylik...

sb.uz portalidan olindi.

So'nggi paytlarda Ulug'bek Rahmatullaev jurnalistlardan qochib yurgan edi. Ammo, biz uni bir amallab telefon qo'ng'irog'i orqali tutishga musharraf bo'ldik va juda ham ajoyib bir yangilikni bilib oldik. Ulug'bek bir yil mobaynida bir qo'shiq ustida ish olib borgan edi va nihoyat u tayyor.

"Kundoshlar" deb nomlangan hazil qo'shiq Ulug'bekning ijodidagi ikkinchi milliy uslubda kuylangan qo'shiq hisoblanadi. Mazkur qo'shiqqa bir yil avval may oyida qo'l urilgan edi. Bugun esa bu qo'shiq radioto'lqinlarda jarang socha boshladi. Qo'shiq matni Doniyor Mirzo qalamiga mansub, musiqasi Iqbol Muhammadjonovniki, aranjirovka muallifi Jasur Badalboev.

O'ziga yarasha imijga ega bo'lgan xonanda Firdavs, ayni kunlarda yana yangi taronalar yaratish bilan band. El xizmatidan bo'sh vaqt topib u studiyada bir nechta taronalarini yozib tugatdi! Shulardan biri, pop bo'lsa, ikkinchisi zamonaviy estrada yo'nalishida kuylanadi...

Pop yo'nalishida kuylangan taronaning nomi "Voy-vo'" deb nomlanadi. Ushbu taronasiga bastakor Ahmad ajoyib musiqa yaratdi. Ikkinchi qo'shig'ining musiqasini Botir Aliev bastalagan. Firdavs ikkala qo'shig'i uchun o'zi she'r yozdi. Hozircha ikkinchi taronasining nomini sir saqlamoqda. Shu bilan birga Firdavs Navro'z bayrami bilan barcha muxlislarini muborakbod etadi. Xabaringiz bor, Navro'z tantanalarida u, So'lim taronasi bilan ishtirok etgan edi.

Ming afsuslar bo'lsinki, ushbu maqolani va sumalak bazmida tushirilgan fotosuratlarni o'z vaqtida sizga yetkaza olmadik. Mazkur holat yuzasidan siz azizlardan o'z uzrimizni so'rab qolamiz. Aytishadiku, hechdan ko'ra kech deb, va nihoyat mana bugun fursat yetdi!

SB.uz portalining sumalak bazmi "Sumalakdan tosh topdim" deb nomlandi. Sumalak bazmida estradamizning juda ham ko'plab yulduzlari ishtirok etishdi. Jumladan, Samandar, Shohruh, Sardor Rahimxon, Yasmina, Zebo, Dinara, Kaniza, Firdavs, Otabek Mutalxo'jaev, "Fayoz" guruhi, "Non-Stop" guruhi, Sitora Ahmedova, Aziza Halilova, Dilshod Holiqov, Iroda Yusupova, Hayrulla Vahobov, Leyla va SB.uz portali ilk musiqiy loyihasi Bilol ishtirok etdi.

Shuningdek, so'z ustasi Sanjar Shodiev ham bizning mehmonimiz bo'ldi. Kechani zavqli radioboshlovchi Dj Mix juda ham ajoyib tarzda olib bordi. "O'zbegim taronasi", "Navro'z" radiosi hamda "A'lo FM" radiosi jamoasi ham bizning mehmonimiz bo'ldi. Ularga o'z minnatdorchiligimizni bildiramiz. "Xordiq" gazetasi hodimlari esa matbuot olamidan bizning bu kechadagi yagona mehmonimiz bo'ldi. Ushbu sumalak bazmini tasvirga tushirishda o'z yordamini ayamagan klipmeyker Sa'dulla Hikmatovga ham tashakkur deb qolamiz. Qolaversa, o'z xonadonini bizga taqdim etgan mehmondo'st Qo'chqorovlar xonadoniga ham alohida tashakkurimizni yetkazamiz.

Marhamat fotosuratlardan bahramand bo'ling! Tez kunlarda yanada ko'proq fotosuratlar va batafsil ma'lumotlar bilan o'rtoqlashamiz.

Aslida Dj Mix Turkiya safariga ijodiy ishlar bo'yicha yo'l olmoqda. U yerda o'z sohasi bo'yicha malaka oshirib qaytish niyatida. Safar 20 aprelga qadar davom etishi ko'zlangan. Nasib qilsa, biz Mix bilan aloqaga chiqib, sizni so'nggi xabarlardan voqif etishga harakat qilamiz.

Tabassum.uz - endilikda aynan mana shu manzilda "A'lo FM" radiosining rasmiy sayti o'z faoliyatini olib boradi. "COOL" dizayn studiyasi tomonidan tashkil etilgan ushbu sayt ham sizga ma'qul keladi degan umiddamiz. Zero, saytni mukammal va chiroyli chiqishi uchun "COOL" ijodkorlari imkon qadar harakat qildilar. Shu o'rinda o'z mehnatini ayamagan Jahongir (JET)ga ham alohida tasanno aytish mumkin.

Jahongir.uz ning albomida hitga aylangan "Qalbimda kuz" taronasidan tortib to hozirgi kungacha yaratilgan barcha taronalardan, 12tasi tanlab olinadi. Ushbu albomini Jahongir.uz yoz oyining boshida taqdim etishni rejalashtirgan. Shuningdek, hozirda rus tilida yangi qo'shiq yaratmoqda. Qo'shiq nomi "Prosto" deb nomlanadi. Albatta kelajakda klip suratga olinishi rejalashtirgan.

"Janob xech kim"! Rejissor Mirmaqsud Oxunovning yangi kartinasi aynan shunday nomlanadi. Ushbu filmda iste'dodli aktyor Alisher Uzoqov bilan birgalikda debyutant aktrisa Asal bosh qahramon obrazini talqin qilishgan... "Janob xech kim" filmining prem'era kuni ham aniq bo'ldi! Qachon deysizmi? U holda davomini o'qing va filmning suratga olinish jarayonidan bir nechta fotosuratlarni ham tomosha qiling...

"Janob xech kim" kartinasining scenariy muallifi Yolqin To'ychiev. Filmning katta prem'erasi 30 yanvar kuni bo'lib o'tishi rejalashtirilgan. Hozir esa filmning suratga olinish jarayonidan fotolavhalarni tomosha qilib, baho berishingiz mumkin.

Xonanda Manzura so'nggi paytdfa sho'x-sho'x taronalari bilan muxlislar qalbidan chuqur joy egallab kelmoqda. Manzura bir xillikdan qochish maqsadida, endilikda sokin ohangdagi tarona yaratdi...

Qo'shiq "Zor-zor" deb nomlanib, matnini Arslon Karim, musiqasini esa Doniyor A'zamov bastalagan. Hozirda barcha FM to'lqinlari orqali o'z jaranggini sochayotgan bir paytda, maxsus klip ham ishlanmoqda. Klip dizayneri Dildora Qosimova. Klip tez kunlarda TV kanallari orqali namoyish qilinadi.