Soat 19:00da "Osiyo" restoraniga uzun hammer-limuzin kelib to'xtadi. Undan kelin va kuyov tushib kelishdi. Hammaning diqqati ana shu yerda. Kech sababchilari yuzlarida tabassum bilan restoran ichikarisiga asta-sekin kirib kelishdi va ular uchun mo'ljallangan kursiga borib o'tirishdi(odatga ko'ra). Albatta o'zbegim milliy kuy navolari ularga hamroh bo'ldi. So'ngra davrani olib borish uchun mikrofon Shukrullo Isroilovga topshirildi. O'z o'rnida ajoyib so'z ustasi qo'shiq kuylash uchun davraga Ozodbek Nazarbekovdan boshlab, barcha san'atkorlarni taklif qildi. Kechada deyarli barcha estrada yulduzlarini ko'rishingiz mumkin edi. Shaxsan biz uchratgan xonandalar esa quyidagilar: Shahzoda, Tohir Sodiqov, "Setora" guruhi, Sevara Nazarxon, Ozodbek Nazarbekov, Abdulla Qurbonov, Nilufar Usmonova, Shohruhxon, Ali Niyazimbetov, "Afruz" guruhi, "Radius 21", Shahriyor, Jahongir Otajonov, Diyor Mahkamov, Abduvali Rajabov, Davron Ergashev, Firdavs Pazletdinov, Mirjamol, Nigina Nabieva. Albatta xonandalardan tashqari kino olami vakillari, rejissorlar, klipmeykerlar, ommaviy axborot vositalari xodimlari ham bor edilar. Xonandalar birma-bir, navbatma-navbat qo'shiq kuylab Samandarni tabriklashdi. Shu alfozda yana bir baxtli oila barpo bo'ldi.