130 дан ортиқ мусулмон уламолари Рим Папаси Бенедикт ХVI ва бошқа насроний раҳбарларга очиқ мактуб йўллаб, икки дин ўртасидаги ўзаро тушунишни кўпроқ тарғиб қилишга чақирганлар.
Мурожаатда уламолар Қуръони Карим ва Инжилни бир-бирига солиштириб, ҳар икки диннинг тамал ақидалари бир-бирига яқин эканини урғулашган.
Кентербери англикан черкови архиепископига, Лютеран, Методист ва Баптист черковлари раҳбарларига, Православ черкови раҳбари Константинопол Варфоломейи биринчи ва бошқаларга йўлланган мактуб "Биз ва Сизнинг ўртамиздаги умумий жаҳон" деб номланади.
Ер юзидаги тинчлик ва инсониятнинг келажаги ушбу икки дин ўртасидаги муносабатга боғлиқ, дейилади мактубда.
Насронийлар ва мусулмонлар ягона Худога сиғинадилар, деб ёзилган очиқ хатда.
Қуръони Карим ва Инжилдан иқтибослар келтирилган мактубда Насронийлик ва Исломнинг бир-бирига яқинлиги, қўшниларнинг бир-бири билан меҳр-оқибатда тинч-тотув яшашлари лозимлиги урғуланади.
Мусулмонлар ва насронийлар дунё аҳолисининг ярмидан кўпини ташкил этиши таъкидланаркан, ушбу икки диний жамоалар ўртасидаги алоқалар бутун дунёдаги тинчликка ҳисса қўшувчи муҳим омил эканлиги айтилган.
Ушбу хат 138 исломий уламо Рим Папасининг Ислом тўғрисидаги маърузасидаги баҳсталаб фикрига муносабат билдириб битган мактубининг бир йиллиги пайтида эълон қилинди.
Рим Папаси Бенедикт XVI нинг ўтган йили сентябрида ўрта асрлардаги манбадан келтирган иқтибоси Ислом оламида ғазабага сабаб бўлган эди.
Рим Папасининг қандай жавоб бериши маълум эмас, аммо илгарилари ҳам бундай таклиф ва саъй-ҳаракатлар икки томондан ҳам кузатилган.
Administraciya Portalda joylanayotgan ma'lumot va fayllar uchun hech qanday javobgarlikni o'z bo'yniga olmaydi!
Владельцы и создатели данного сайта не несут ответственность за использование ссылок и информации, представленных на этом сайте. На данном сайте представлены исключительно ссылки на другие ресурсы. Данный проект является некоммерческим, поэтому авторы не несут никакой материальной ответственности. Вся информация и ссылки представлены исключительно в ознакомительных целях и предназначены только для просмотра.
© 
