Joriy yilning to`qqiz oyi davomida Tojikiston poytaxtidagi barcha beshta tumanda taxminan saksondan ortiq shaxsiy xonadonlarda tashkil etilgan fohishaxonalar fosh etildi.
Tojikiston ichki ishlar vaziri Mamadnazar Solihov bu davra qo`shmachilikda gumon qilingan 99 fuqaroga nisbatan jinoyat ishi ochilganini bildirdi.
"Qizlarni fohishalikka jalb etish va buning uchun shart-sharoitlar yaratib berish jinoyatdir. Qo`shmachilikda gumonlanib ushlangan 99 fuqarodan ayrimlarining ishi hozir sudga yuborilgan. Ammo boshqa tumanlardan poytaxtga o`qish va ishlash maqsadida kelayotgan qizlarning fohishaxonalarga tushib qolayotgani juda tashvishlidir”, - dedi Mamadnazar Solihov.
Vazirning ta`kidlashicha, tojikistonlik ayollarni xorijiy davlatlarga olib ketish va ularni jinsiy qullikka sotish holatlari o`tgan yillardagiga nisbatan 50 foiz kamaygan.
M. Solihov qizlarning tanfurushlik bilan shug`ullanishiga oiladagi tarbiya sustligi va og`ir iqtisodiy ahvol sabab bo`layotganini ta`kidladi va ayni kunlarda qo`shmachi va fohishalar ustidan nazorat kuchaytirilganini bildirdi.
Vazirning so`zlariga ko`ra, shu yilning 9 oyi mobaynida poytaxtda fohishalik bilan shug`ullanayotgan 14 yoshdan 25 yoshgacha bo`lgan 1100 qiz-juvon teri-tanosil kasalliklari markazida tekshiruvdan o`tkazilgan. OITV virusi bilan og`rigani rasman ro`yxatga olingan 800 kishining aksariyati mazkur kasallikni jinsiy aloqa yo`li bilan yuqtirgan.
Garchi M. Solihov fohishabozlikka qarshi kurash kuchaytirilganini ta`kidlayotgan bo`lsa-da, ayrim hollarda uning qo`l ostidagilar ham bu illat ildiz otishiga hissa qo`shayotganini aytadi tahlilchilar.
"Ozodlik” muxbiri bilan suhbatlashgan fohisha qiz-juvonlar ba`zan militsiya xodimlari tomonidan zo`rlanayotganini bildirdi.
"Militsiya qo`liga tushib qolsak, yo pul oladi, yoki o`zi bilan jinsiy aloqa qilishga majburlaydi. Militsionerlar agar 30 somoniydan kamroq taklif qilsangiz, ko`nmaydi. Men ilk bor fohishalikka borganimda 14 yoshda edim. O`rtog`im maslahat bergandi. Kundalik hayotimda ko`proq pulga ehtiyoj sezganim sababli fohishalik qilishga majburman”, - deydi bir fohisha.
Tahlilchilarning aytishicha, Tojikistondagi strategik loyihalarda qatnashayotgan xorijliklar ham mamlakatda fohishabozlik gullab-yashnashiga o`z hissasini qo`shmoqda. 10 dollarga tushadigan bir kechalik jinsiy xizmat ular uchun qimmat emas, ammo tojikistonlik qiz-juvonlarga bu kattagina pul. Манба: «Озодлик»
afsuslar bo'lsinki, bundey axvol nafaqat Tojikistonda, balki butun Osiyo bo'ylab keng tarqalgan... Yo'qchilik ko'pdan ko'p norasida qizlarni shundey egri yo'llarga boshlab ketgan ..
Administraciya Portalda joylanayotgan ma'lumot va fayllar uchun hech qanday javobgarlikni o'z bo'yniga olmaydi!
Владельцы и создатели данного сайта не несут ответственность за использование ссылок и информации, представленных на этом сайте. На данном сайте представлены исключительно ссылки на другие ресурсы. Данный проект является некоммерческим, поэтому авторы не несут никакой материальной ответственности. Вся информация и ссылки представлены исключительно в ознакомительных целях и предназначены только для просмотра.
© 
afsuslar bo'lsinki, bundey axvol nafaqat Tojikistonda, balki butun Osiyo bo'ylab keng tarqalgan... Yo'qchilik ko'pdan ko'p norasida qizlarni shundey egri yo'llarga boshlab ketgan .. 
