|
Bismillahir Rohmanir Rohiym!
8 mart hammamizning qon-qonimizga singishga ulgurgan "ajoyib" kun.
Nega?
Bu bayram 1911 yildan e'tiboran, Germaniyalik feministlar rahbari yahudiy ayol Klara Tsetkin tashabbusi bilan "Xalqaro xotin-qizlar kuni" kuni deb e'tirof etilgan. Feministlar - Evropada ayollarning haq-huquqlari uchun kurashuvchi harakat bo'lib, uning a'zolari asosan fohishalardan(!) iborat edi. Ular fohishaxonalardagi ayollarning xo'rlanishi, kaltaklanishi va ayanchli ahvolidan norozilik bildirib, o'z muammolariga mutasaddilarning e'tibor berishini talab qilib namoyishga chiqqanlar.
Ularning erishgan yutuqlari bizlarga muslimalarga nimalar berdi?
Aslida ular talab qilib chiqgan ayollar haq-huquqlari ularga ko'rsatilajak izzat Islomda 14 asr ilgari tayinlangan edi:
"Biz insonga ota-onasini (ya'ni ularga yaxshilik qilishni) amr etdik. Onasi unga ojizlik ustiga ojizlik bilan homilador bo'ldi (ya'ni qornidagi homila kattargan sari onaning holi qurib, zaiflasha borur) uni (ko'krakdan) ajratish (muddati) ikki yilda (kelur). (Biz insonga buyurdikki), «Sen Menga va ota-onangga shukur qilgin! Yolg'iz O'zimga qaytajaksan!” (Luqmon:14)
"Homilador ayolga kunduzi ro'za tutib, kechasi namoz o'qiydigan va Alloh yo'lida jang qiluvchi mujohid savobi yoziladi”.
"Jannat – onalar oyog'i ostidadir”
"Ey Allohning elchisi! Mening eng ko'rkam suhbatimga haqli kishi kim?” "Volidang” degan javob bo'ldi. Savol uch bora takrorlaganida ham "Volidang” degan javob bo'ldi.
- «Mo’minlarning eng to’la ishonchlisi xushxulqlisidir. Sizlarning yaxshilaringiz ayollarga, zavjalariga yaxshi muomalada bo’lganlaringizdir».
- Payg’ambarimiz (s.a.v.): «Ayollar xususida Allohdan qo’rqingiz. Zero, siz ularni Allohdan omonat o’laroq olgansiz», deganlar.
- Xotinlarning itoatsizligidan qo’rqsangiz, avvalo ularga nasihat qilingiz, so’ng (bu ta’sir qilmasa,) ularni yotoqlarida tark etingiz, so’ngra (bu ham kor qilmasa,) ularni uringiz. Ammo sizlarga itoat qilsalar, ularga qarshi (boshqa) yo’l axtarmangizlar(Niso 34).
Izoh: (Alloh taolo hech bir ishni behikmat qilmaydi. Jumladan, erkak kishi oila rahbari bo'lsa va u o'z rahbarligini shariatda ko'rsatilgandek ado etsa, bunday oilalar baht-saodatga sohib bo'lmoqda. Bu ko'rsatmaga yurmagan oilalar esa, bahtsizlikka uchramoqda, shundaylardan tashkil topgan jamiyatlar ham bahtsizlikka duchor bo'lmoqda. Bu yerda gapni cho'zib o'tirishning hojati bo'lmasa kerak. Mo'mina, soliha ayollarning tabiatida eriga itoatkorlik bordir. Biz «itoatkorlik» deb tarjima qilayotgan so'z oyati karimada «qonitatun» lafzi ila kelgan. Bu so'z o'z irodasi, rag'bati va muhabbati ila itoat qilish ma'nosini anglatadi. Demak, mo'mina, soliha ayollarning erlariga itoati o'z masuliyatini tushungan holdan kelib chiqqan bo'ladi. Qo'rqqanidan, majburlashdan yoki boshqa biror bosqindan emas. Bu itoat o'zini tushungan, hayotdagi o'rnini, vazifasi va mas'uliyatini his etgan go'zal insonning itoatidir)
- Shuningdek, ayollarga ham erlariga ozor bermaslik amr etilgan.
- Islomda ayol va bolalarni o’ldirish ma’n etilgan. Qur’oni karimda shunday marhamat qilinadi: "(Ey insonlar), bolalaringizni qashshoqlikdan qo’rqib o’ldirmangiz, ularga ham, sizlarga ham Biz rizq berurmiz. Ularni o’ldirish, shubhasiz, katta xatodir” («Al-Isro», 31).
- Ayollarning ilm olishlari.
Rasululloh (s.a.v.): "Ilm talab etmoq har musulmon erkak va ayol uchun farzdir”, deb buyurganlar.
Payg’ambarimiz (s.a.v.)ning yana bir ayollari hazrati Zaynab (r.a.) ham o’sha zamonaning buyuk faqihi (huquqshunosi) edi. Madinada esa Binti Abi Salama (r.a.) fiqh sohasining bilimdoni edi.
- Ayollarning haqlari. Hazrat Payg’ambar (s.a.v.) aytganlar: "Ayollarning erkaklar zimmasidagi haqqi yaxshi taom va kiyim berishlaridir”.
- "Rasululloh (s.a.v.) bunday deb aytdilar: "Kimki Alloh taologa va qiyomat kuniga iymon keltirgan bo’lsa, qo’shnisiga ozor bermasin! Shuningdek, ayollar bilan doimo yaxshilikcha maslahatlashingizlar”.
Islomda ham yetarli haq-huquqlar mavjud, ammo nemis feministlari tashabbuslaridan so'ng bizning ayollar ibo-or belgisi hijob-paranjilarini olovga uloqtirdilar. Va nihoyat zamonamiz qiz-ayollariga boqing va fikrlang! Bizga 8 mart va uning oqibatlari nima berdi? Uni nishonlash arziydimi?
Islomda ayollarning xuquqlari
| 
© 
