 "Ayirma Jaynomozimdan" - Hayrulla Hamidov [ACHCHIQ HAQIQAT!]
Ko'nglim mening bir seskandi bugungilardan,
Parvardigor vazifamiz anglay olmadik.
Umrimiz ham tashkil bo'lmish qora daftardan,
Ogoh bo'lmay biror lahza mudhish xatardan,
Gunoh desa qilaverdik saqlanolmadik,
O'zing bizni tuzatmasang o'nglanolmadik
Jannat nima, idrok yo'qdir, nimadir do'zax?!
Dunyo uchun lolmiz, xormiz qalbda ming farah!
Dunyo hayron mo'minlarning jim turganiga
Qilsalar ham Rosulingni tinmayin mazah.
Nabiylarning sayyidiga vaqt topolmadik
O'zing bizni tuzatmasang o'nglanolmadik.
La ilaha illallohni aytishla shartta,
Mo'minlikni vazni bo'ldi haddanda katta
Nasoroning mushugiga pisht demaslaru
Musulmonlik ayb sanalar Islomiy yurtda.
Sening yo'ling sof bo'lsada shaylanolmadik
O'zing bizni tuzatmasang o'nglanolmadik
Bir kezishga urinaman Shosh-u,Samarqand
Buxoroning ahvoliga yahudlar xursand
Shirk-u bid'at ummoniga butkul g'arq bo'lgan
Zangiota mozorida tilanar farzand
Tavhidingga chaqirsakda yenga olmadik
O'zing bizni tuzatmasang o'nglanolmadik
Halol nomin xo'p bemalol oldi haromlar
Minbarlarda to'rs aylamish ahli-kalomlar
Mazlum bo'lgan masturalar sonin oshirib,
Hijob shartmas deyishgacha bordi imomlar.
Qur'ondan bir hujjat topib inday olmadik
O'zing bizni tuzatmasang o'nglanolmadik
G'arbning yo'li ardoqlandi ham shariflandi
Buzuq yo'llar uchun tinmay pul sarflandi.
Jamiyatning ilg'orlarin ahvolin ko'ring
Namoz o'qish tartibsizlik deb ta'riflandi
Yashirincha ibodatga ko'nikolmadik
O'zing bizni tuzatmasang o'nglanolmadik
Kimdir hujjat keltirsa gar hadis-Qur'ondan,
Ilk so'zini boshlasa gar Haqdan, iymondan,
Har bir ishning intihosi bir hil yakundir,
Da'vatchilar quvg'in bo'lar O'zbekistondan!
Ummat bo'lib ularni biz saqlay olmadik,
O'zing bizni tuzatmasang o'nglanolmadik
Hozir esa ummat hayron o'ksinar beun,
Alamdadir o'tgan har-bir xatosi uchun,
Haq yo'liga kirmoqchilar hayqirmoqdalar,
Mahdiy kelsa kelaqolsin rozimiz bu kun,
Bu yolg'onchi imomlarga o'rganolmadik
O'zing bizni tuzatmasang o'nglanolmadik!
Xayrulloh Hamidov
|
© 
