Пулларни уяли телефон жиҳози билан суратга олгандан кейин полицияга хабар беришди. "Мусулмонлар ҳаром пулларга қўл урмасликларини кўрсатиш учун полицияга хабар бердик. Авволига бизга ишонишмади. Ҳазиллашяпти деб ўйлашди”, деган 33 ёшли Фарҳод Қоя, халқ орасида мусулмонларга қарши мавжуд бўлган салбий қараш шу каби ишлар сабабли камаяди деган фикрда.

Узун йиллар давомида Dexia Bank шўъбаси бўлган ва бир йилдан бери бўш турган бинони сотиб олган Фарҳод Қоя бинони таъмирлай бошлаганларини айтиб, шундай деди: "Бинони таъмирлаётганимизда ерга кўмилган эски бир сейф чиқиб қолди. Уни жойидан кўчириб олиш учун уста танишим Мурод Тўфонни чақирдим. Сейфнини оғзини қийинчилик билан очдик. Ичида олти дона пакетланган ҳолда 20 ва 50 евролик пулларни кўриб ҳайрон бўлиб қолдик. Жами 300 минг евро пул бор эди. Пулларнинг банкка тегишли бўлиши мумкин деган эҳтимол билан полицияга хабар қилдик. Полиция аввалига ишонмади. Кейин воқеа жойига келинган полициячилар, воқеани прокуратурага хабар беришди ва пулларни олиб кетишди. Биз бу ишимиз билан, Европада мусулмонларга ва туркларга қарши салбий фикрларни йўқотишни истадик. Хоҳласак, пулни ўзимиз бўишиб олишимиз ҳам мумкин эди. Бино бир йилдан бери бўш ётган эди. Лекин биз бундай қилмадик. Чунки томоғимиздан ҳаром луқма ўтишини истамадик. Мусулмонлар нақадар тўғри ва самимий эканликларини кўрсатишни истадик”, деди.

Белгия полицияси эҳтиёт чораси сифатида пулларни олиб кетди. Лекин бунчалик катта миқдордаги пул қандай қилиб унитилгани ҳаммани ўйлантириб қўйди. Кўчмас мулк қоидаларига кўра, сотилган мулкдаги ҳамма нарсалар янги эгасининг ихтиёрига ўтади. Шунинг учун пулнинг эгаси чиқмаса, қонунан туркларга қайтарилиши лозим. Лекин пулларнинг пакетлари устидаги ёзувлар 2000 йилга тегишли. Йиллар давомида ҳеч ким қидирмаган бу пуллар расмий идораларни ҳам ўйлантириб қўйди. Масъуллар энди Dexia Bank раҳбариятидан бунга доир изоҳ кутишмоқда.