Assalomu alaykum wa Rohmatullohu wa Barakotuh

Payg'ambarimiz Muhammad Mustafo S.A.V vafotidan oldin shunday degan ekanlar:

"Men sizlarga ikkita narsani qoldirib ketyapman, madomikiy mahkam ushlasangizlar hargiz to'g'ri yo'ldan adashib ketmaysizlar. U ham bo'lsa Ollohning Kalomi Qur'on hamda mening sunnatimdur"


   
* Ҳадис

Абу Масъуд ал-Бадрийдан р.а. ривоят қилинади. Расулуллоҳ с.а.в.: "Ким кеч кирганда Бақара сурасининг охиридаги икки оятини ўқиса, унга кифоя қилади”, дедилар. — Имом Бухорий




    * Ҳадис

Абу Дардодан р.а. ривоят қилинади. Расулуллоҳ с.а.в.: "Кимки Каҳф сурасининг аввалидан ўн оят ёдласа, дажжолдан омонда бўлади”, дедилар. Бошқа ривоятда "Каҳф сурасининг охиридан” бўлиб келган — Имом Муслим





    * Ҳадис

Абу Ҳурайрадан р.а. ривоят қилинади. Расулуллоҳ с.а.в.: "Қуръонда ўттиз оятли бир сура бор. У (ўқиб юрган) кишини шафоат қилади. Ҳаттоки гуноҳлари мағфират қилинади. Ўша сура "Таборакаллазий биядиҳил мулк”дир”, дедилар. — Абу Довуд ва Термизий





Анасдан р.а. ривоят қилинади. Бир киши: "Эй Аллоҳнинг Расули, мен "Қул ҳуваллоҳу аҳад” сурасини яхши кўраман”, деганида, Расулуллоҳ с.а.в.: "Албатта, буни яхши кўришинг сени жаннатга киргизади”, дедилар. — Имом Термизий