Assalomu alaykum! Men boshimdan o'tgan bir voqeani aytib bermoqchiman. Men Juma kunini o'zimga dam olish kuni qilib olganman. Bir kun, Payshanba kuni kechasi Juma tonggi edi, men nafl Namozini o'qish uchun turdim va nafl Namozimda Hudodan so'radim: ey Hudo, Juma Namoziga o'z vaqtida borib, ado qilishlikka nasib etgin va duolarimni qabul qilgin, deb. So'ng namozni tugatgach yana uyquga ketdim. Undan so'ng chamasi 4 soatdan keyin Bomdod Namoziga turdim, yana Hudodan so'radim, bugungi kunim ibodatda o'tishini. Juma kuni dam olish kuni sababli Bomdoddan keyin yana uhladim, uhlashdan oldin uyg'otgichimni 12:30ga qo'ydim. Usha Juma kuni juda charchagan ekanman, hattoki uyg'otgichimni ovozini eshitmabman. So'ngra kimdurlar uyimizni qo'ng'irog'ini rosa chalishdi, ammo uni ham ovozini eshitar-eshitmas, yana shirin uyquda davom etibman. Bir ozdan keyin kimdurning ovozi eshitildi: "Hey, hey biror kishi bormi bu uyda" deb. Men tushimdami deb o'ylabman, aslida unday emas ekan... ...uyqudan shosha-pisha turdim-da va: Ha, ha, bor, bor dedim. Agar 5 sekund kechroq qarasam edi u odam honamga kelayotgan ekan, biz ikki kishi edik. Qarasam bir ingliz millatiga mansub usta ekan. Haligi odam kechirasiz, kechirasiz uyg'otganim uchun deb, 4-5 marotaba takrorlayverdi va usta aytdiki: Men hojat honani tuzatgani keldim dedida, hojat honaga kirib ketdi, qizig'i qo'lida hech qanday uskuna va asboblari ham yoq edi. Men esa uyqu aralash bo'layotgan holatni tushunmay qolaverdim. Buni qarangki... uyimizga kirish uchun 3 ta eshikni ochish kerek bo'ladi, biri tashqi eshigi, ikkinchisi yo'lakniki, uchinchisi honamniki edi. Agar Hudo hohlasa 10ta eshiklik bo'lsa ham bo'laverarkan... Buni qarangki, soatga qarasam 13:05 bo'libdi, eh dedim Jumaga kech qoldim-ku deb, sochig'imni yelkamga qo'yib, endi qayerda tahorat olaman deb shoshib qoldim va oshxonaga kirib, endi qo'llarimni yuvishim bilan haligi usta: bo'ldi, bo'ldi raxmat deb, yana uzur, uzur uyg'otganim uchun deb, tezlik bilan chiqib ketdi. Men ham raxmat deganimcha hech narsani tushunmay qolaverdim. Buni qarangki... ustani Hudo yuborganligini keyin his qildim, chunki u hojat honada 2 daqiqa ham qolmadi. Men tezlik bilan do'stimga aytdim, hey turing bizga ustani Hudo yubordi, tezda Jumaga ketdik dedimda o'zim tezlik bilan chiqib ketdim. Soat 13:15 edi, Juma 13:30da o'qilardi. Odatda Juma Namoziga ulgurishim uchun soat birda uydan chiqib ketishim kerek edi, negaki har Juma avtobusda borar edik va avtobusni esa kamida 15-20 minut kutish ham lozim bo'lardi. Lekin bu safar Allohimning yordamini qarang-ki, bekatga chiqishim bilanoq qarasam, 2ta avtobus orqama-ketin kelib turgan ekan. Yugurib avtobusga chiqib olishim bilan joyidan qo'zg'aldi.
...Juma Namozimni o'qar ekanman ko'zlarimdan yoshlar oqardi... Ey Allohim, yetqazganingga shukur! deb, yana 2 rakat shukrona Namoz uchun saf tikdim... Mana birodarlar, agar Allohim istasa boshqa dindagi bandasini ham sababchi qilib jo'nataverar ekan. Balki bu voqea kimlargadir, oddiy va tasodifiy bir holatdir ammo oddiy bo'lgan holatda shuncha tasodif bo'lishi mumkinmi?! Albatta Allohimning va'dasi ya'ni so'raganga beraman degan va'daga dalil emasmi bu?!
Birodarlar, sizlarni ham fikringizni bilmoqchi edim, nima deysizlar? Shu bo'lgan holatga? Bu barchasi Hudodan emasmi? Akbarov, London
|