QUR'ON MO'JIZALARI - Temirga yashirilgan sir

Qasamki, Biz O'z payg'ambarlarimizni aniq hujjat-mo'jizalar bilan yubordik va ular bilan birga Kitob hamda odamlar adolatni barpo qilishlari uchun mezontarozi tushirdik.

Yana Biz temirni tushirdik-yaratdik. Unda kuch-quvvat va odamlar uchun manfaatlar bordir. Alloh g'aybda (bandalari ko'ziga ko'rinmasdan) turgan holida O'ziga va Payg'ambarlariga (Alloh yo'lida jihod qilish bilan) yordam beradigan kishilarni bilish uchun (temirni yaratdi). Albatta Alloh kuchli, qudratlidir.

I z o h: Ushbu oyati karimada jamiyat intizomi va kishilar osoyishtaligi uchun Allohning kitobi va adolat tarozisi bilan birga yana temir, ya'ni qurolli kuchga ham muhtoj bo'linishiga ishora qilinmoqda.(Hadid surasi 25-oyat)

---

Qur'on mo'jizalari 8.  Samoviy jismlarning harakat yo'li

(Samodagi yulduzlar harakat qiladigan) yo'llar egasi bo'lgan osmonga qasamki...(Zoriyot surasi 7-oyat)

(Alloh) kecha va kunduzni, quyosh va oyni yaratgan zotdir. (Bularning) barchasi o'z falak-fazosida suzurlar!(Anbiyo surasi 33-oyat)

Quyosh (biron soniya to'xtamay) o'z qarorgohi sari joriy bo'lur. Bu qudratli va bilguvchi zotning taqdiri — o'lchovidir.

I z o h: Yerdan ming-ming marta katta hajmga ega bo'lgan quyosh to «kun va oy birlashib ketadigan» qiyomat kuni kelgunicha bir nafas ham tinmasdan fazoda aylanaveradi, Faqat qudratli va dono zot — Alloh taoloning O'zigina uni shunday tartibo' lchovga bo'ysundirib qo'ya olur.(Yosin surasi 38-oyat)

---

Qur'on mo'jizalari 9. Bulutlarning og'irligi


U o'z rahmatining (ya'ni yomg'irning) oldidan xushxabar qilib shamollarni yuborgan zotdir. Biz o'lik shahar-maskanlarni tiriltirish va O'zimiz yaratgan ko'plab chorva hayvonlari hamda insonlarni sug'orish uchun osmondan pok suv yog'dirdik.(Furqon surasi 48-49 oyat)