QUR'ON MO'JIZALARI - Yerning himoya qobig'i

Biz osmonni qulab tushmaydigan tom qilib qo'ydik. Ular (mushriklar) esa (osmondagi oy, quyosh, yulduz kabi Allohning qudratini ko'rsatib turgan) alomatlardan yuz o'giruvchidirlar.(Anbiyo surasi 32-oyat)

U zot sizlar uchun Yerni qarorgoh, osmonni tom qilib qo'ydi va osmondan suv tushirib, uning yordamida sizlarga rizq bo'lsin, deb mevalar chiqardi. Bas, bilib turib o'zgalarni Allohga tenglashtirmang.(Baqara surasi 22-oyat)

---

Qur'on mo'jizalari 17. Yer qatlamlari

Alloh yetti osmonni va yerdan ham o'shalarning mislini (ya'ni yetti qavat yerni) yaratgan zotdir. (Allohning) amri farmoni ularning (ya'ni yetti qavat osmon va yetti qavat yerning) o'rtasiga nozil bo'lib-tarqalib turur. Toki sizlar Allohning barcha narsaga qodir ekanligini va Alloh barcha narsani (O'z) bilimi bilan ihota qilib olganini bilishlaringiz uchun (U zot sizlarga yuqorida zikr qilingan narsalar haqida xabar berdi).(Taloq surasi 12-oyat)

---

Qur'on mo'jizalari 18. Tog'larning harakatlanishi

Siz tog'larni ko'rib tek qotib turibdi, deb o'ylarsiz. Holbuki ular ham xuddi bulutlar yurgandek yurarlar. (Bu) barcha narsani puxta qilgan zot — Allohning hunaridir. Albatta, U Zot sizlar qilayotgan (barcha) ishlardan ogohdir.

I z o h: Ushbu oyat yerning tinmasdan o'z o'qi atrofida aylanib turishiga Tangri taolo tomonidan nozil qilingan dalildir «Albatta bunda aql egalari uchun oyat-ibrat bordir»(Naml surasi 88-oyat)

---

Qur'on mo'jizalari 19. Yer maydoning kamayib borishi

(Makka mushriklari) Biz ularning yerlariga kelib uni atrofidan kamaytirayotganimizni (ya'ni musulmonlar qadam-baqadam fath qilib kelayotganlarini) ko'rmadilarmi? Alloh hukm qilur — Uning hukmini tekshiruvchi bo'lmas. U tez hisob-kitob qilguvchidir.(Ra'd surasi 41-oyat)

Yo'q, Biz ularni (kofirlarni) va ota-bobolarini (dunyo matolaridan shunday) foydalantirdikki, hatto ularga umr-hayot uzun-abadiy (ko'rinib, bir kun kelib bu hayot tugashiga ishonmay qo'ydilar va Allohning azobini ham inkor qildilar). Axir ular Biz yerni atrofidan kamaytirib kelayotganimizni (tobora ko'proq kishilar Islomga kirib, kufr dunyosi qisqarib borayotganini) ko'rmaydilarmi?! O'shalar g'olib bo'lurlarmi?! (Yo'q, ular mag'lubdirlar, Allohning diniga iymon keltirgan zotlar g'olibdirlar).(Anbiyo surasi 44-oyat)

---