"Ramazon Viktorinasi"ning davomini InshaAlloh kirib kelayotgan Ramazon oyidan boshlaymiz. Ushbu loyihamiz yordamida bizlar, Islom dinimizni yanada mukammalroq o'rganishga harakat qilamiz inshaAlloh. Bu borada Alloh ta'oloning O'zi bizlarga madadkor bo'lishini so'rab qolamiz. Umid qilamiz-ki o'tgan yili qilingan xolisona dasturimiz tufayli bilmagan narsalaringizni o'rganib, bilganlaringizni takror eslashga muvaffaq bo'lgansiz. Bu yilgi dasturimizda ham bilmaganlaringizni o'rganib, bilganlaringizni takror eslashlaringizga umid bog'lab, Alloh ta'olodan madad va sabr so'rab, inshaAlloh avvalgisidan ko'ra ko'proq foydaliroq bo'lishligini Duo qilib qolamiz.
Bu galgi Dasturimizdagi savollar tuzilmasi avvalgisidan o'zgacharoq bo'lib, biz bu yil faqat Islom tarixi, har bir muslim va muslima bilishi shart bo'lgan masalalar borasida savol va javob olib boramiz. Bunda esa bizlar sahih manba'larga asoslangan holda Alloh qodir qilgancha savollarni muntazam ravishda tuzib hamda eslashga oson bo'ladigan qilib izohlar berib boramiz inshaAlloh. Bunda esa albatta yana sizlarning duolaringizga muhtojmiz. Savollar juda ham oddiy tuyulishi mumkin, ammo bu savollarni ko'pchiligimiz yaxshi bilmasligimiz, tushunmaslik holatlari ham yuz berishi mumkin. Unday holatlarda savollaringizni Shaxsiy xabar orqali yo'llashingiz mumkin bo'ladi.
"RAMAZON VIKTORINASI 2012"
Bu yilgisi avvalgisidan o'zgacharoq bo'lishini yuqorida aytib o'tganimizdek, savollarimizni Seshanba va Juma kunlari taqdim etamiz va oldingi hafta javoblari va izohlarini Dushanba va Payshanba kuni sizlarga havola etib boramiz.
Seshanba kungi savollarning javoblarini Dushanbagacha qabul qilamiz, Juma kungi savollarning javoblarini esa Chorshanbagacha qabul qilamiz.
Bu yil faqat haftada 2 marotaba Seshanba va Juma kunlari "Bosh Saxifa"da savollarni sizlarga havola etib va sizlar o'z javobingizni "Izoh/Komment" orqali qoldirishingiz mumkin bo'ladi. Savollar soni 5 tadan bo'lib har bir to'g'ri javobga 5 BALLdan beriladi.
Hamma savollarga BIRINCHI bo'lib to'g'ri javobni "Izoh/Komment" orqali qoldirgan ishtirokchi G'OLIB deb topiladi. Javob va g'olib Dushanba va Payshanba kunlari e'lon qilinadi.
Agarda bitta ishtirokchi ikki marotaba g'oliblikni qo'lga kiritsa, u holda o'sha ishtirokchi o'sha haftaning Juma kunida "JUMA G'OLIBI" deb e'lon qilinadi.
Agarda Hammadan ko'p ball to'plab, ketma-ket g'oliblikni qo'lga kiritsangiz "Ramazon Viktorinasini 2012" fahri hamda 2012-yil Ramazon G'OLIBI" deb topilasiz!
© 
