Истеъдодли дарвозабон Тимур Жўраевнинг навбатдаги ажойиб ҳаракатлари “Пахтакор”нинг пенальтилар сериясида Литванинг “Экранас” клуби устидан ғалаба қозониши таъминлади ҳамда тошкентликлар “Ҳамдўстлик Кубоги”нинг ярим финалига йўл олишди, дея хабар берди клубнинг расмий вэб-сайти.

Aсосий тaркибнинг беш нaфaр футболчилaрининг ҳизмaтидaн фойдaлaнa олмaгaн бўлсада, Виктор Жaлилов литвaликлaргa қaрши жaнговор ўйин намойиш қила оладиган жaмоa тузa олди.

Бу сaфaр дaрвозaни қўриқлaш Темур Жўрaевгa ишониб топширилгaн бўлсa, ҳимоядaн Клецков, Aлиқулов, Рисқуллaев вa Муллaжонов ўрин олди. Мaркaздa Мaркович, Aндреев, Aбдуллaев вa Кaмолов ҳaрaкaт қилишди. ҳужумдa эсa Гейнрих билaн Ихеруоме ўйнaди. Дaстлaбки дaқиқaлaрдaноқ ўйин кескин вa aсaбий тус олди. Нaтижaдa ўйинни бошқaриб боргaн россиялик ҳaкaм Кaюмов футболчилaргa 8та сaриқ вa иккита қизил кaрточкa кўрсaтди. Литвaликлaр 6 дaқиқa ичидaёқ икки бор огоҳлaнтириш олишгa улгуришди. Ҳисобни биринчи тaймнинг сўнгги дaқиқaсидa "Пaхтaкор" ҳимоячиси Aлексaндр Клецков очди. У бурчaк зaрбaси aмaлгa оширилгaч, жaмоaмизни олдингa олиб чиқди.

Aфсуски, иккинчи бўлим “Пахтакор” учун омaдсиз бошлaнди вa 47-дақиқада Aсрор Aлиқулов жaримa мaйдончaси ичидa ишлaтгaн қўполлиги учун мaйдондaн четлaтилди. Шундан сўнг ҳaкaм "Пахтакор" дарвозаси сари 11 метрлик жарима зарбаси тепиш лозилигини кўрсатди. Уни Бичкa aниқ aмaлгa ошириб, мувозaнaтни тиклaди. Қолгaн вaқт дaвомидa футболчилaр рaқибдaн гол ўткaзиб юбормaсликкa ҳaрaкaт қилишлaри вa ўйинни пенaльтилaр сериясигaчa чўзишлaри зaрур эди. Улaр буни уддaлaшгa мувaффaқ бўлишди. Сaксонинчи дaқиқaдa энди литвaликлaрдaн Ряхн мaйдондaн четлaтилди. У иккинчи сaриқ кaрточкaни олгaнлиги туфaйли ўйинни бир оз вaқтли тугaтишгa мaжбур бўлди. Aсосий вaқт дурaнг билaн якунлaнгaч, реглaментгa биноaн дaрҳол пенaльтилaр сериясигa ўтилди. Зaрбa беришдa дaстлaб Гейнрих aдaшгaн бўлишигa қaрaмaй, Жўрaев бир зaрбaни қaйтaрди. Рaқиблaрнинг янa бир футболчиси мўлжaлни ноaниқ олди вa Ученинг зaрбaсидaн сўнг "Пaхтaкор" пенaльтилaр сериясидa 4:2 ҳисобидa ғaлaбa қозонди.

Таъкидлаш лозимки, ўтган йилги мусобақанинг айнан шу босқичида ҳам пахтакорчилар “Вентспилс” билан асосий вақтда 1:1 ҳисобини қайд этиб, пенальтилар сериясида айнан Жўраевнинг маҳорати туфайли ғалаба қозонишганди.

Энди ярим финaлдa Виктор Жaлилов шогирдлaри Молдaвиянинг "Шериф" жaмоaсигa қaрши 23 янвaрь куни "Олимпийский" мaнежидa мaйдонгa чиқадилар. Иккинчи ярим финaлдa гуруҳдошимиз "Октобе" Озaрбaйжоннинг "Интер" жaмоaси билaн бaҳс олиб борaди.

«Экрaнaс» - «Пaхтaкор» 1:1 (0:1), пен. 2:4
Голлар: Клецков (45) - Бичкa (48-пен.)
Пенaльтилар серияси: Гейнрих, тўсин (0:0). Сaснaускaс, ноаниқ (0:0). Мaркович (0:1). Бичкa (1:1). Aндреев (1:2). Мaркевичус, дарвозабон (1:2). Клецков (1:3). Пaдaигис (2:3). Ихеруоме (2:4).
«Экрaнaс»: Черняускaс, Глевецкaс, Пaдaидис, Aдемолу, Трaкис (Мaрцинкевичус, 69), Гaлкевичус, Сaснaускaс, Янушaускaс (Мaркевичус, 53), Бичкa, Погребaн, Ряхн.
«Пaхтaкор»: Жўрaев, Aлиқулов, Мaркович, Aбдуллaев (Қиличев, 71), Клецков, Гейнрих, Комолов (Бaйрaмов, 64), Ихеруоме, Муллaжонов, Рисқуллaев, Aндреев.
Огоҳлантиришлар: Ряхн (5), Aдемолу (6), Гaлкевичус (28), Пaдaигис (44), Мaркевичус (60), Aндреев (62), Ихеруоме (75), Рисқуллaев (88).
Четлатишлар: Aлиқулов (47), Ряхн (80).

1/2 финaл

23 янвaрь. "Интер" (Озарбайжон) - "Октобе" (Қозоғистон)
23 янвaрь. "Пaхтaкор" - "Шериф" (Молдавия)

БААда ўқув-машғулот йиғинларини олиб бораётган Ўзбекистон миллий терма жамоаси 30 январ куни Дубайнинг маҳаллий “Ал-Наср” клуби билан ўртоқлик учрашувини ўтказди. Ўйин “Ал-Наср” стадионида бўлиб ўтди.

Ушбу баҳсда терма жамоа устози Миржалол Қосимов асосан 28 январ куни БАА термасига қарши майдонга тушмаган футболчилар хизматидан фойдаланишга ва шу орқали қолган ўйинчиларнинг ҳам ҳолатини амалда синаб кўришга ҳаракат қилди.

Рақиб ҳақида маълумот ўрнида шуни айтиш мумкинки, 12 та жамоа қатнашадиган БАА миллий чемпионатида “Ал-Наср” клуби ҳозирда 10-турдан кейин 12 очко жамғарган ҳолда 7-ўринни эгаллаб турибди.

Учрашув давомида ўзбекистонлик футболчилар устунликка эришган бўлсаларда, 0:1 ҳисобида имкониятни бой беришди. Учрашувнинг 60 дакикасида “Пахтакор” ҳимоячиси Анзур Исмоилов томонидан йўл қўйилган қўпол хатодан “Ал-Наср” ўйинчиси унумли фойдаланиб, учрашувдаги ягона голни киритди.

Таъкидлаб ўтиш лозимки, ўйиннинг 15-дакикасидаёқ ярим ҳимоячимиз Одил Аҳмедов ҳакам томонидан қизил қарточка олиб, майдонни тарк этди. Аслида ўртоқлик учрашувларида икки томоннинг келишувига биноан, қизил карточка олган футболчининг ўрнига бошқаси туширилиши одатий ҳол. Аммо “Ал-Наср”нинг германиялик мураббийи бунга розилик бермади. Натижада йигитлар 75 дақиқа давомида битт ўйинчи кам ҳолда тўп суришларига тўғри келди. Бунинг устига, биринчи бўлимда Улуғбек Бақоев томонидан киритилган голни ҳакам инобатга олмади. Ушбу учрашувда Миржалол Қосимов бир қанча футболчиларни майдонда синовдан ўтказди. Лекин мағлубиятдан қочишнинг иложи бўлмади – 0:1.

Энди Қосимов шогирдлари 1 февралда сўнгги назорат баҳсини Озарбайжон термасига қарши ўтказишади. Ўйин “Ал-Ваҳда” стадионида Тошкент вақти билан соат 18:00 да бошланади. Эслатиб ўтамиз, Ўзбекистон терма жамоаси делегацияси 2 феврал куни соат 16:30 да Тошкентга қайтиб келади.

“Ал-Наср” (Дубай) – Ўзбекистон 1:0

Ўзбекистон: Тимур Жўраев (Михаил Наумов, 46), Шавкат Раимқулов, Хикмат Хошимов, Артём Филипосян (Ислом Тўҳтаҳўжаев, 65), Саҳоб Жўраев (Илдар Магдеев, 46), Руслан Мелзитдинов, Одил Аҳмедов, Фозил Мусаев (Суннатилла Мамадалиев, 80), Шерзод Каримов, Улуғбек Бақоев (Илёс Қурбонов, 88), Фарҳод Тожиев (Анзур Исмоилов, 46)
Четлатиш: Одил Аҳмедов (15)

Ўзбекистон миллий терма жамоаси бош мураббийи Миржалол Қосимов azerisport.com сайтига Озарбайжон билан бўлиб ўтадиган ўртоқлик учрашуви олдидан ўз фикрлари билан ўртоқлашди.

- Озарбайжондаги ўзгаришлар ҳақида маълумотга эгамисиз?

- Агар бу бош мураббий Берти Фогтс билан боғлиқ бўлса, ха.

- Унинг қўли остидаги бирорта ўйинни кўрдингизми?

- Йўқ. Лекин шуни биламанки улар Финляндияга қарши кечган учрашувда кичик ҳисобда мағлуб бўлишганди. Бу натижа меҳмонда қайд этилган. Бу албатта жуда яхши натижа.

- Озарбайжонга қарши ўйин сиз учун қандай аҳамият касб этади?

- Оддий ўртоқлик учрашуви, асосийси - жамоанинг яхши тайёргарлиги. Ўйлашимча, бу йигитлар учун яхши имтиҳон вазифасини ўтаб беради.

- Озарбайжонликларга қарши кечган учрашувларни эслай оласизми?

- Албатта, биз мунтазам равишда тез-тез учрашмаган бўлсакда, айниқса Бокудаги ўйин анча оғир кечганди. Умуман олганда Озарбайжон термаси ўз майдонида анча кучли ўйин намойиш этади. Бу албатта тушунарли, ўз муҳлислари қаршисида ўйнаш нисбатан осонроқ

- Озарбайжон учун йилни муваффақиятли бошлашга қийинчилик туғдира олармикин сизнинг жамоангиз?

- Бу мени қизиқтирмайди. Мураббий ўз жамоаси ҳақида ўйлайди. Агар биз ўз ўйинимизни намойиш эта олсак, унда сизни жамоангизга албатта қийин бўлади. Бизнинг ёшларимиз эса бунга астойдил харакат қилишади. Шуниси аниқки Озарбайжон билан бўладиган баҳс оддий бўлмайди.

Таъкидлаш лозимки, Шу пайтга қадар Ўзбекистон миллий терма жамоаси Озарбайжон билан 7 маротаба баҳс олиб борган: 6та учрашув ўртоқлик, ва биттаси ҳалқаро мақомидаги учрашув бўлган.

Озарбайжонликларга қарши дастлабки учрашув “Баку”да бўлиб ўтган ва ушбу учрашувда Ўзбекистон терма жамоаси 2:1 ҳисобида имкониятни бой берган.

Қуйида ушбу терма жамоаларнинг ўзаро барча учрашувлари билан танишишингиз мумкин:

1998 йил. 24 апрел

Боку. Озарбайжон - Ўзбекистон - 2:1 (ўртоқлик учрашуви)

1999 йил. 18 август

Самарқанд. Ўзбекистон - Озарбайжон - 5:1 (ўртоқлик учрашуви)

2001 йил. 15 феврал

Албена. Ўзбекистон - Озарбайжон - 2:1 (ўртоқлик учрашуви)

2002 йил. 21 август

Боку. Озербайжон - Ўзбекистон - 2:0 (ўртоқлик учрашуви)

2004 йил. 28 май

Боку. Озарбайжон - Ўзбекистон - 3:1 (ўртоқлик учрашуви)

2006 йил. 7 феврал

Қарши. Ўзбекистон - Озарбайжон - 0:0 (ўртоқлик учрашуви)

2007 йил. 7 март

Чимкент. Ўзбекистон - Озарбайжон - 0:1 (Ҳалқаро турнир)

БААда ўқув-машғулот йиғинларини олиб бораётган Ўзбекистон миллий терма жамоаси 30 январ куни Дубайнинг маҳаллий “Ал-Наср” клуби билан ўртоқлик учрашувини ўтказади. Ўйин “Ал-Наср” стадионида Тошкент вақти билан соат 21:00 да бошланади.

БААда бўлиб турган ЎФФнинг “Терма жамоалар ва маркетинг” бошқармаси бошлиғи Алишер Никимбаевнинг маълум қилишича, терма жамоа бош мураббийи Миржалол Қосимов ушбу баҳсда 28 январ куни амирликларга қарши майдонга тушмаган футболчилардан кўпроқ фойдаланишни режалаштирмоқда. Дарвоқе, ёш ҳужумчи Шахбоз Эркинов БАА билан ўйиндан сўнг, Эронга учиб кетди. Чунки шу ойнинг 30-санасида у тўп сурадиган “Пас” клуби ўз майдонида “Месс”ни қабул қилади. Маълумки, Эркинов Ўзбекистон терма жамоаси БАА устидан қозонган ғалабада ҳам иштирок этди. У 65-дақиқада учрашув тақдирини хал қилган ягона гол муаллифи Фарҳод Тожиевнинг ўрнига майдонга туширилди.

Рақиб ҳақида маълумот ўрнида шуни айтиш мумкинки, 12 та жамоа қатнашадиган БАА миллий чемпионатида “Ал-Наср” клуби ҳозирда 10-турдан кейин 12 очко жамғарган ҳолда 7-ўринни эгаллаб турибди.

Эслатиб ўтамиз, Қосимов шогирдлари 2 февралга қадар амирликларда ўқув-машғулот йиғинларида бўлишади ва 1 февралда сўнгги назорат баҳсини Озарбайжон термасига қарши ўтказишади. Маълумки, бунгача Ўзбекистон терма жамоаси 24 январ куни у ердаги дастлабки ўртоқлик учрашувини Россиянинг “Зенит” клуби билан ўтказиб, 1:0 ҳисобида ғалабага эришганди.

ЎФФ матбуот хизмати

Одатдагидек, Эрматовга ён чизиқларда яна бир ўзбекистонлик Абдуҳамидулло Расулов ва қирғизистонлик Баҳодир Қўчқоровлар кўмаклашиб боришди. Носсир Хамдам Хамид Ал-Риями (Уммон) учрашув сомиссари вазифасини бажарган бўлса, қувайтлик Саад Ал-Фадхли назоратчи сифатида хизмат қилди.

Гарчи мезбон сифатида “Ал-Гарафа”нинг имкониятлари бироз юқори баҳоланган бўлсада, тажриба бобида устун бўлган саудиялик футболчилар якунда ишончли ғалабага эришдилар – 1:3. Учрашувда ҳисоб 5-дақиқадаёқ очилди. “Ал-Шабоб”нинг легионер ўйинчиси Марсело Рамиро Камачо бу йилги ОЧЛ баҳсларидаги голлар ҳисобини очди. 23-дақиқага келиб, Абдулазиз Носсир Бин Саран меҳмонларнинг ташаббусини мустаҳкамлаган бўлса, Клемерсон де Араужо Соарес бироз ҳисобни қисқартирди – 1:2. 1-бўлим якунланланиши арафасида эса, Носсир Али Ал-Шамрони якуний ҳисобни ўрнатди.

Таъкидлаш лозимки, Равшан Эрматов ўйин давомида учта сариқ ва битта қизил карточкасини чўнтагидан чиқаришга мажбур бўлди.

“Ал-Гарафа” (Қатар) – “Ал-Шабоб” (Саудия Арабистони) 1:3 (1:3)
Голлар: Клемерсон де Араужо Соарес (40) – Марсело Рамиро Камачо (5), Абдулазиз Носсир Бин Саран (23), Носсир Али Ал-Шамрони (44)
Огоҳлантиришлар: Нашат Акрам Обид Али (17), Отман Эл Ассас (47) – Солих Али Содиқ (63)
Четлатиш: Жорж Квеси Семакор (60) – “Ал-Гарафа” [b]

Осиё футбол Конфедерацияси президенти Муҳаммад Бин Хаммам Марказий Осиё давлатлари бўйлаб ўтказаётган сафари доирасида 10 март куни Тошкентга ташриф буюрди.

14 кишидан иборат ОФК делегациясига раҳбарлик қиладиган Бин Хаммам минтақада футболни ривожлантириш бўйича амалга оширилаётган ишлар билан яқиндан танишиш, миллий федерациялар раҳбарияти вакиллари билан муносабатларни янада мустаҳкамлаш ва улар билан айрим лойиҳалар бўйича музокаралар олиб бориш мақсадида Марказий Осиё давлатлари бўйлаб сафар ўтказаётганидан хабарингиз бор.

Туркманистон пойтахти Ашхобод шаҳридан учиб келган ОФК делегацияси Тошкентга уюштирилган 6 соатлик сафарини Ўзбекистон Футбол Федерацияси президенти Мираброр Усмонов, федерациянинг биринчи вице-президенти Баҳтиёр Раҳимов, бош котиб Сардор Раҳматуллаевлар билан биргаликда дастлаб “Чиғатой” Республика олий маҳорат мактабини сайр қилишдан бошлади. У ердаги стадионлар, жумладан қайта таъмирланаётган табиий майдон кўздан кечирилди. Шундан сўнг, меҳмонлар “Чиғатой”нинг кичик меҳмонхонасига равона бўлдилар. Бу борада ЎФФ раҳбари шундай деди:

“Ушбу иншоотни ўтган йили қуриб битказдик. Бу ерда жами тўртта футбол майдони бор, шулардан биттаси сунъий қопламали. Бу мажмуада фақатгина ўсмирлар ёшлар шуғулланишади. Кўриб турганингиздек, бу ерда ёш футболчиларимиз нафақат, машғулот ўтказишлари балки яшашлари ҳам мумкин. Бунинг учун барча шароитлар яратилган”.

Шундан сўнг, меҳмонлар делагацияси “Бунёдкор” ФК раҳбарияти томонидан қайта таъмирланган ЖАР стадионига қадам ранжида қилдилар. Мираброр Усмонов ўйингоҳда амалга оширилган кенг кўламдаги ишлар билан таништириб чиққач, ОФК президенти дарҳақиқат ЖАР стадиони кўркам ҳолатга келтирилганлигини таъкидлади.

6 соатлик “сайр”нинг сўнгги бекати Марказий “Пахтакор” стадиони бўлди. Бин Хаммам Ўзбекистоннинг бош стадионини кўздан кечириб, унда яратилган янги шарт-шароитлар билан танишди ва Ўзбекистонда стадионлар қурилиши бўйича катта ишлар амалга оширилаётганлигига урғу берди. Шунингдек, у Осиёда “Бунёдкор” ва “Пахтакор”дек барқарор клублар бор эканлигидан жуда ҳам хурсанд эканлиги қўшимча қилди. Сўнгра, шу ернинг ўзида ОФК ва ЎФФнинг расмий учрашуви бўлиб ўтди. Учрашув доирасида, пойтахтда барпо этилаётган “Бунёдкор” спорт комплексининг лойиҳасининг тақдимот маросими ҳам ўтказилди. Мираброр Усмоновнинг айтишича, ушбу йирик спорт мажмуаси 2010 йилнинг 15 мартига қадар фойдаланишга топширилиши режалаштирилмоқда.

Айнан шу тадбир билан ОФК Президенти Муҳаммад Бин Хаммамнинг Ўзбекистон пойтахти Тошкентга уюштирган қисқа муддатли ташрифи якунланди.

Таъкидлаш лозимки, бу Бин Хаммамнинг мамлакатдаги йирик стадионлар қурилиши ва таъмирланишидан сўнг, Ўзбекистонга амалга ошираётган биринчи сафари ҳисобланади. Сўнгги маротаба у 2007 йилнинг 29 мартида Ўзбекистон футбол Федерациясининг янги биноси ва ФИФАнинг “Гол” лойиҳаси асосида қурилган миллат футболи тарихидаги биринчи сунъий қопламали майдоннинг очилиши ва фойдаланишга топширилиши муносабати билан ташкил этилган маросимда иштирок этиш учун ФИФА президенти Йозеф Блаттер билан бирга ташриф буюрганди.

Тошкентга Туркманистон пойтахти Ашхободдан учиб келган Бин Хаммам бошчилигидаги ОФК делегацияси 10 март кунининг ўзида чартер рейси орқали Қирғизистоннинг Бишкек шаҳрига учиб кетди.

ЎФФ матбуот хизмати