Iso Alayxu Salom tirilib chiqqanda..
Hammaga ma’lumki o’lgan odam qayta tiriladi. Tirik odam qanday qilib tirilishi mumkin. Agar savolni Iso a.s Yerga tushganlarida.. deb boshlanganda to’g’riroq bo’lar edi. DILSUZga bu savolni Diniy Imtihonda bergan kishilar aslida Islomni yahshi tushunmagan kishilar bo’lishsa ham ajab emas. Iso a.s o’lmaganlari Qur’onda o’z tasdig’ini topgan haqiqatdir.

“Biz Allohning Rasuli Masiyh Iyso ibn Maryamni o’ldirdik” deganlari uchun (ularni la’natladik). Holbuki, uni o’ldirmadilar ham, osmadilar ham, lekin ularga shunday tuyuldi. U haqida ixtilofga tushganlar uning o’limidan shak-shubhadadirlar. U to’g’risida ularning bilimlari yo’q, magar gumonga ergasharlar. Uni o’ldirmaganlari aniqdir. (Niso surasi 157-oyat)

Aslida yahudiylar Iso a.s ni Payg’ambar deb tan olmaganlar. Bu yerdagi “Allohni Rasuli” deyishlari istehzo va mashara uchundir. Ular Iso a.s ni o’ldirganliklarini da’vo qiladilar. Lekin bu quruq da’vo holos. Haqiqatni esa Qur’oni Karim bayon qiladi.

Holbuki, uni o’ldirmadilar ham, osmadilar ham, lekin ularga shunday tuyuldi….
Iso a.s ga yahudiylar suiqasd qilganlarini qissasi ma’lum va mashhurdir. Bu qissani buyuk tafsirchilardan Ibn Kasir rahmatullohi alayh quyidagicha rivoyat qiladilar:
“Alloh taolo Iso ibn Maryamni ochiq-oydin alomatlar va hidoyat ila Payg’ambar qilib yuborganida, yahudiylar u zotga berilgan Payg’ambarlik va mo’jizalarga hasad qildilar. U kishi ko’r bo’lib tug’ilganlarni va pesni da’volar, o’likni Allohni izni ila tiriltirar, loydan qushni shaklini yasab unga puflasalar Allohni izni ila qush bo’libuchib ketar edi. Shunga o’hshash ko’pgina mo’jizalar bilan Alloh taolo u kishini qo’llab quvvatlagan edi. Yahudiylar esa u kishini yolg’onchiga chiqardilar, xilof qildilar, va imkoni boricha u kishiga ozor berish yo’liga o’tdilar. Hattoki, Allohning Payg’ambari Iso a.s ular bor joyda turmaydigan boldilar. Ko’pincha onalari bilan birga sayohatda yurishga majbur bo’ldilar. Yahudiylar bu bilan kifoyalanib qolmadilar, u zotni o’sha davrdagi Damashqni podshohiga chaqdilar. Podshoh yulduzlarga sig’inadigan mushriklar toifasidan edi. Uning millatiga “yunon” deb nom berilgan edi. Yahudiylar unga “Baytul Maqdisda bir odam chiqib, kishilarni fitnaga solmoqda, adashtirmoqda va fuqarolarni podshohga qarshi qo’ymoqda” deb habar yetkazdilar. Bundan podshohni g’azabi chiqdi. Baytul Maqdisdagi noibiga mazkur odamdan ehtiyot bo’lish, uni osib, boshiga tikon qo’yib, uni sharridan odamlarni saqlash farmonini berdi. Maktub Baytul Maqdis noibiga yetib kelganda, u farmonni bajarishga otlandi. Bir toifa yahudiylar bilan Iso a.s turgan joyga bordi. U kishi o’zlariga yaqin kishilar bilan birga edilar. Ularning soni o’n ikki-o’n uch yoki o’n yettita edi.
Bu voqea juma kunidan shanbaga o’tar kechasi sodir bo’ldi. Yahudiylar ularni qamalga oldilar. Yoki ular bosib kirishadi, yoki o’zlari ularni oldiga chiqishlari kerak – bundan boshqa iloj qolmaganini anglab yetgan Iso a.s sheriklariga: “Kimingizga mening tusim o’tsa, o’sha odam jannatda men bilan birga bo’ladi” dedilar.
Bu ishga bir yosh yigit tayyorligini bildirdi. Uni hiyol yosh sanadilar, yuqoridagi gapni ikkinchi va uchinchi bor takrorladilar. Har safar faqat haligi yigit o’z tayyorligini bildirdi. Iso a.s : “Sen o’shasan!” dedilar. Alloh taolo u yigitni Iso a.s tusiga kiritdi.
Tomning shiftidan bir tuynuk ochildi. Iso a.s ni mudroq oldi. Shu holda osmonga ko’tarildilar. U zot ko’tarilganlaridan keyin sheriklari tashqariga chiqdilar. Yahudiylar qorong’uda haligi yigitni Iso deb o’ylab, ushlab, osdilar va boshiga tikon qo’ydilar ”
Ammo ishga bu bilan nuqta qo’yilgani yo’q. Asosiy ixtiloflar aynan ushbu voqeadan so’ng boshlandi. Ta’kidlanganidek, hodisa kechaning qorong’usida, to’s-to’polon ichida bo’lib o’tdi. Ko’p narsalar noaniq qoldi. Shuning uchun:

U haqida ixtilofga tushganlar uning o’limidan shak-shubhadadirlar.

Avvalo hodisada ishtirok etganlarni o’zlari ixtilofga tushdilar. “Agar o’ldirilgan Iyso bo’lsa, birga yurgan odam qani? Agar o’ldirilgan birga yurgan odam bo’lsa, Iyso qani?” dedilar. Lekin, baribir, o’likniosib qo’yib, biz Iysoni o’ldirdik deb maqtanib yuraverishdi. Nasorolar bo’lsa ba’zilari bu gapga ishonishdi, ba’zilari “Iyso o’lgandan keyin ko’mildi. Ammo uch kundan keyin yana tirildi”, deyishdi. Lekin hammalarini gapi ham asossiz gaplardir. Bu narsa oyatni so’ngida yana bir bor ta’kidlanadi.

U to’g’risida ularning bilimlari yo’q, magar gumonga ergasharlar. Uni o’ldirmaganlari aniqdir.
Ho’sh o’ldirilmaganlari aniq bo’lsa, unga nima bo’lgan, degan savolga kelasi oyatda javob keladi.

Balki, Alloh O’ziga ko’tardi. Alloh aziz va hakiym bo’lgan Zotdir. (Niso surasi 158-oyat)

Mo’min musulmonlarning Iyso a.s haqlaridagi aqiydalari(e’tiqodlari) ushbu va boshqa oyatlardan hamda sahih hadisi shariflardan olingan. Unda hechqanday noaniqlik, shubha yoki gumon yo’q. Hammasi aniq!

Iso Alyxu Salom men 2000 yilda qaytib kelamanmu yoke 200 yildan kiyin qaytib kelamanmu degan.

Bu gap ham u zotga tuhmatdir, chunki Iyso a.s qiyomatni bir belgisidirlar. Dalil:

Albatta u(Iyso) soat(qiyomat) ilmi (belgisi)dir. .. (Zuhruf surasi 61-oyat)
Ya’ni vaqti kelib Iyso a.s qiyomat kunini belgisi bo’ladi. Uning qayta yerga tushishidan qiyomat juda ham yaqin qolgani bilib olinadi. Qiyomat soatini esa Allohdan o’zga hechkim, hatto Iso a.s ham bilmaydilar. Dalil:

Odamlar sendan soat(qiyomat) haqida so’rarlar. Sen: “Uning ilmi faqat Allohning huzuridadir”, deb ayt. Nedan bilursan, ehtimol o’sha soat yaqindir. (Ahzob surasi 63-oyat)

Sizlarga bitta savol Agar Iso Alayxu Salom biz yashayotgan davrga yaniy hozzirgi paytga qaytib kelsa nima qilgan bo'lardingiz?
U zot qachon yerga tushishlarini faqatgina Alloh taolo biladi. Albatta, musulmonlar u kishiga ergashadilar. Chunki u zot aynan Islomni yo’lini tutib davom ettiradilar.

Abu Hurayra r.a dan rivoyat qilinadi:
Rosululloh sav: “Men bilan Iyso a.s ning oramizda Nabiy yo’q. Albatta, u nozil bo’lur. Qachon ko’rsangiz uni tanib olinglar. O’rta bo’yli, qizg’ish oq kishi. Ikki sarg’ish kiyim kiygan. Huddi boshidan qatra tomib turganga o’hshaydi. Agar unga ho’l yetmagan bo’lsa ham. Islom uchun odamlarga qarshi urush qiladi. Masiyhi Dajjolni qatl qiladi. So’ng, yer yuzida e’minlik voqe’ bo’ladi. Hattoki, sherlar tuyalar bilan, yo’lbarslar molar bilan va bo’rilar qo’ylar bilan bir yaylovda bo’lurlar. Bolalar ilonlar bilan birga o’ynarlar. Iyso yer yuzida qirq yil turadi. So’ngra, vafot etadi va janozasini musulmonlar o’qiydilar” – dedilar.
Abu Dovud, al-Hokim va imom Ahmad rivoyat qilgan.

Hulosa shuki, biz musulmonlar Iyso a.s haqlarida Qur’oni karim va hadisi shariflarda kelgan ma’lumotga suyangan holda e’tiqod qilmog’imiz kerak. O’zimizcha unday bo’lganmikin yoki bundaymikin degan o’z aqliy fikrlarimizni emas, balki Qur’onni hukmini olishimiz lozim.
Vallohu A’lam!