Barchangizga boshlangan muqaddas Rajab oyi muborak bo’lsin! Ushbu oyni munosib ravishda o’tkazmoqlikni, Ramazon oyiga ham eson-omon yetib olib, farzimiz bo’lmish ro’zani ham a’lo darajada ado etmoqlikni nasibu ro’zi aylasin. Omin!

Rajab oyi Alloh oyi hisoblanadi. Unda Allohga tavba qilib, isytig’for aytganlarga Allohning cheksiz rahmati yog’iladi. Alloh yo’lida ishlaganlarga Allohning nuri yog’iladi.
Bu haqda hazrat Rasululloh (s.a.v) shunday bashorat berganlar:
“Rajab oyi Allohninh oyi, Sha’bon oyi mening oyim, Ramazon oyi ummatimining oyidir”.

Rajab oyida ko’p istig’for aytish kerak. Zero, bu oyda Allohning otashidan ozod etilgan bandalari bor. Bu oyda bir kun ro’za tutganlar uchun Alloh jannatda oltin va kumush kushklar tayyorlab qo’ygan.

Muqotil (r.a) shunday deydi:
“ Qof tog’ining orqasida, yeti dunyo kattaligida, farishtalarga to’la bir yer bor. Har bir farishtaning qo’lida “Kalimai tavhid” deb yozilgan bayroq bor. Farishtalar Rajab oyining har juma kuni Qof tog’I atrofida yig’ilishadi. Mahammad (s.a.v) ummati uchun quyidagicha yolvorishadi:
“Rabbimiz! Hazrati Muhammad (s.a.v)ning ummatini avf et, ularga azob berma”.
Alloh taolo ulardan so’raydi “Nimani istaysizlar?”
Javob berildi:
“Biz sendan Muhammad (s.a.v) ummatini avf etishingni istaymiz”. Shunda Janobi Haq ularga quyidagicha javob beradi:
“Izzatim va Jalolim haqqi, ularning hammasini avf etdim”.

Savbon (r.a) dan rivoyat etilgan bir hadisda shunday deyiladi:
“Rasululloh (s.a.v)
Bilan ketayotgan edik. Va bir qabristonga kirib o’tdik. U yerda Allohning Rasuli (a.s) bir oz turdilar va shiddatli bir shaklda yig’ladilar va menga qarab shunday dedilar:
“Ey, Savbon! Bu yerda yotganlar azob tortayaptilar. Allohga duo etib ularning azobini kamaytirdim. Ey, Savbon! Agar bular Rajab oyida bir kun ro’za tutsalar va uning bir kechasini Allohga bag’ishlasalar edi, qabr azobini ko’rmas edilar”.
“Ey, Allohning Rasuli (s.a.v)! Bir kun ro’za tutib bir kechasini unga bag’ishlasalar, ulardan qabr azobi ketadimi?”
“Ha ey, Savbon! Meni Haq Payg’ambar qilib yuborgan Allohga qasamki, xotin-erkak Rajab oyida bir kun ro’za tutib, bir kechasini Allohga bag’ishlasa, albatta buni Allohning roziligi uchun
qilsa, Alloh unga kunduzi bir yillik ro’za tutganlik savobini beradi”.

Jannatda shunday bir ko’prik borki, bu dunyo uning yonida qushning inidek hisoblanadi. Ushbu ko’prikka faqat Rajab oyida ro’za tutganlar kira olishadi”.

“Kim Rajab oyida payshanba, juma, shanba kunlari ketma-ket uch kun ro’za tutsa, Alloh unga 900 yillik ibodat savobini yozadi”.
“Kim Rajab oyida yetti kun ro’za tutsa, unga jahannamning eshiklari yopiladi, ya’ni jahannamga kirmaydi”.
“Kim sakkiz kun ro’za tutsa, unga jannatning sakkiz eshigi ochiladi”.
“U oyda 10 kun ro’za tutganlarga Alloh har istaganini beradi”.”Rajab oyida 15 kun ro’za tutgan insonga bir farishta shunday deydi: “Barcha avvalgi gunohlaring avf etildi” Bundan ko’p ro’za tutganlarga Alloh ajrini yanada ko’p beradi”.
Bir hadisi sharifda Rasululloh (s.a.v) shunday deydilar:
“Rajabi Sharifning bir kun boshidan, bir kun o’rtasidan, bir kun oxiridan jami 3 kun ro’za tutgan insonga Janobi Haq barcha kunlarini ro’za bilan o’tkazganchalik savob beradi”.
O’lim vaqtida rohat qilishni va shayton vasvasasidan qutilishni istasangiz, bu oyning hamma kun va kechalarini hurmat qiling va bu damlarni g’animat bilib qilgan gunoh ishlaringizning tavbasini qiling. Bu muqaddas oyda yomon illatlardan voz keching. Bu muborak oy rabbimizning oyi, shu sababli unga itoat qilaylik, uni zikr etib qo’limizni duoga ochaylik. Rahmon va Rohim Rabbimiz duolarimizni qabul qiladi. Xozir fursatdan foydalanib, kun kelin pushaymonlik hissini tuymaslik uchun, vaqt va sharoit borligida Allohga itoat qilaylik, chunki yaxshi inson vafot etganidan so’ng savob va ezgu ishlarni ko’p qilmagani uchun, fosiq inson esa yomon ishlardan o’zini to’xtata olmagani uchun pushaymon bo’ladi. Faqatgina Allohning roziligi, Payg’ambarimizning (s.a.v) hurmatini qozonibgina jannatga kira olamiz. Bu dunyodagi molu-dunyomiz, do’st va birodarlarimiz, farzandlarimiz yordam[color=blue] bera olmaydilar.