Фаришталарга иймон келтириш — уларнинг борлигига хеч шак ва шубхаси бўлмаган катъий эътикод килишдир. Аллох таоло деди: “Пайгамбар ўзига Парвардигоридан нозил килинган нарсага иймон келтирди ва мўъминлар (хам иймон келтирдилар). Аллохга, унинг фаришталарига, китобларига ва пайгамбарларига иймон келтирган хар бир киши (айтди)....” (Бакара: 285). Фаришталарнинг борлигини инкор этган одам, Аллох таолонинг куйидаги сўзларига биноан кофир бўлади: “Кимки Аллохга, унинг фаришталарига, китобларига, пайгамбарларига ва охират кунига кофир бўлса, демак, у жуда каттик адашибди” (Нисо: 136). “Ахлуссунна вал-жамоа” фаришталарга умумий суратда иймон келтирадилар, аммо муфассал суратда факат далиллари ишончли бўлган, Аллох таоло ва расулуллох соллаллоху алайхи ва саллам баён килганларига иймон келтирадилар: Улар вахийга вакил килинган Жаброил, ёмгирга вакил килинган Мийкоил, Сурга вакил килинган Исрофил, жонларни олишга вакил килинган Малакул-мавт, жаханнам посбони Молик, жаннат посбони Ризвон ва кабр фаришталари Мункар ва Накирлардир. “Ахлуссунна вал-жамоа” фаришталарнинг бор эканлигига, уларнинг шахслар эканлиги, маънавий нарсалар эмас хис килинадиган нарсалар эканига, улар Аллох таолонинг нурдан яратган махлуклари ва Осмонда яшашларига иймон келтирадилар. Фаришталар — улкан махлуклардир. Уларнинг канотлари бор. Баъзиларининг каноти иккита, баъзилариники учта, баъзилариники тўртта, баъзилариники эса ундан кўпдир. Фаришталар Аллох таолонинг кўшинларидан биридир. Улар, Аллох таолонинг изни ила, вазиятларга караб турли махлуклар шаклига кира оладилар. Улар Аллох таолога якин ва мухтарам бўлиб, эркаклик ва аёллик сифатлари билан сифатланмайдилар, уйланмайдилар ва болалаб кўпаймайдилар. Фаришталар емайдилар ва ичмайдилар. Уларнинг таоми тасбих ва тахлил бўлиб, уни айтишдан хеч хам зерикмайдилар ва чарчамайдилар. Уларнинг сифатлари яхшилик, гўзаллик, хаё ва интизомлиликдир. Фаришталарнинг одамлардан фарки, улар ибодат килиш ва гунох ишларни килмасликка табиатлантириб яратилганлар. Аллох таоло уларни ўзига ибодат килишлари ва буйрукларини ижро этишлари учун яратган. Аллох таоло деди: “У (мушрик)лар: “Аллохнинг (фаришталардан) боласи бор”— дедилар. У зот (мушрикларнинг бадгумонларидан) мутлако покдир. Йўк, (фаришталар асло Аллохнинг болалари эмас, балки) улуг бандалардир. (Фаришталар) У Зотдан илгари бирон сўз айтмайдилар. Улар (Аллохнинг) амру фармони билангина амал киладилар. У Зот уларнинг олдиларидаги (киладиган) ва оркаларидаги (килиб ўтган) барча иш-амалларни билур. Улар (Киёмат коим бўлган кунда) факат (Аллох) рози бўлган кишиларнигина шафоат килурлар. Уларнинг ўзлари (Аллохдан) кўркиб хавфу хатарда турурлар” (Анбиё: 26-28). Фаришталар кеча ва кундуз Аллох таолога тасбих айтадилар ва осмондаги “Байтул-Маъмур” ни тавоф киладилар. Улар Аллох таолодан жуда хам кўркадилар.
Фаришталарнинг турлари Фаришталарнинг баъзилари вахийга, баъзилари Аршни кўтаришга, баъзилари тогларга, баъзилари жаннат, баъзилари эса жаханнамга вакил килинган. Баъзи фатишталар бандаларнинг килган амалларини ёдлаш, баъзилари мўъминларнинг жонларини, баъзилари кофирларнинг жонларини олиш, баъзилари эса кабрда бандаларни сўрок килишга вакил килинган. Баъзи фаришталар мўъминлар учун истигфор ва салавот айтадилар ва уларни севадилар. Баъзи фаришталар илм мажлислари ва Аллохнинг зикри бўлаётган халкаларда хозир бўладилар ва у ерда ўтирган кишиларни ўз канотлари билан ўраб оладилар. Уларнинг баъзилари инсонга богланган бўлади, ундан хеч хам ажралмайди. Баъзи фаришталар бандаларни яхши ишларни килишга даъват этадилар. Баъзи фаришталар яхши кишиларнинг жанозаларида хозир бўладилар. Баъзи фаришталар жиходларда мўъминлар билан бирга кофирларга карши жанг килиб, уларга ёрдамчи бўладилар. Баъзи фаришталар яхши кишиларни химоя килиб, уларнинг мусибатларини кўтаришга, баъзи фаришталар эса кофирларни лаънат килиб, уларга балоларни келтиришга вакил килинган. Фаришталар хайкал, сурат, ит ёки кўнгирок бўлган уйларга кирмайдилар ва одамзот озорланадиган нарсалардан озорланадилар. Фаришталарнинг сони кўп бўлиб, уларнинг сонини Аллох таолонинг ўзигина билади. Аллох таоло деди: “Роббингизнинг кўшинларини Ёлгиз унинг Ўзигина билур. Бу инсонлар учун эслатма, холос” (Муддассир: 31). Аллох таоло фаришталарни биздан пардалади. Биз уларни асл яратилган шаклларида кўра олмаймиз. Лекин Аллох таоло баъзи бандаларига уларни асл суратларида кўрсатди. Чунончи, расулуллох соллаллоху алайхи ва саллам Жаброил алайхиссолату вассаломни Аллох яратган асл суратида икки марта кўрдилар. Аллох таоло деди: “Сизларнинг сохибингиз (Мухаммад саллаллоху алайхи ва саллам) мажнун эмасдир. Дархакикат, у (Жаброилни) очик уфкда кўрди.” (Таквир: 22, 23).
© 
