Мазкур ҳужум Покистон шимоли-ғарбида юз берган қатор бомбалашлар ортидан юз берган. Жума куни Пешоварда содир этилган портлашда камида 50 одам ҳалок бўлганди.

Айни дамда Покистон армияси Толибон ҳаракатига қарши йирик ҳарбий амалиётга тайёргарлик кўрмоқда.

Покистондаги Би-би-си мухбири Олим Мақбулнинг айтишича, сўнги кунларда озод қабилалар яшовчи ҳудудларда Толибон мавқелари Покистон ҳаво кучлари томонидан бомбаланган эди. Мазкур ҳаво ҳужумлари ортидан тез орада Покистон армияси ҳарбий амалиёти бошланиши мумкинлиги ҳақида миш-мишлар тарқалганди.

Қийин ҳадаф

Сўнги ҳужумлар масъулиятини ҳозирча ҳеч ким ўз зиммасига олгани йўқ, бироқ Толибон унга қарши амалиётлар тўхтамас экан қуролли ҳужумларга қўл уриши билан таҳдид қилганди.

Полиция мулозими Муҳаммад Жалилнинг Ассошиэтд Пресс хабар агентлигига маълум қилишича, қуроллилар армия бош қароргоҳига маҳаллий вақт билан тушликка яқин кичик юк машинасида бостириб кирганлар.

"Улар дастлаб қароргоҳга қарата гранаталар улоқтирганлар ва сўнгра ҳарбийларни ўққа тутганлар," - деб айтади Покистон хавфсизлик мулозими.

Шоҳидлар бош қароргоҳга элтувчи йўллар беркитилганини айтишади.

Кейинроқ ҳарбийлар ҳужум бартараф этилганини маълум қилганлар.

"Вазият назорат остида... Барча қуроллилар ҳалок этилди," - деб айтган генерал-майор Азҳар Аббос маҳаллий телевидениелардан бирига .

"Ҳарбийларга етказилган аниқ зарар миқёсини айта олмайман, бироқ улардан тўрт нафари биринчи назорат нуқтасида ҳалок этилди," - дея илова қилган Азҳар Аббос.

Бироқ, тасдиқланмаган хабарларга кўра, отишмалар яна давом этган. Қуроллиларнинг иккинчи гуруҳи қароргоҳга бостириб киргани тахмин қилинмоқда.

Покистонда охирги йилларда қуролли исёнчилар кучли қўриқланувчи ва муҳим аҳаммиятга эга бўлган идораларни нишонга олишмоқда.

Шу йилнинг март ойида Лаҳор шаҳрида қуроллилар Шри Ланка миллий крикет жамоаси автобусини ўққа тутишганди. Ўшанда олти полиция ходими ва ҳайдовчи ҳалок бўлган ва яна бир нечта крикетчи жароҳат олганди.

Худди ўша ойда Лаҳор шаҳри четидаги полиция машғулот маркази қуроллилар томонидан босиб олиниши оқибатида ўнлаб одамлар ҳалок бўлганди.

Xillari Klinton Rossiya Tashqi ishlar vaziri Sergey Lavrov bilan uchrashib, Rossiyaning Eron masalasi bo'yicha hamkorligini ijobiy baholagan. Lavrovning aytishicha ham, Tehronga ayni damda sanksiyalar qo'yish teskari natija berishi mumkin.

Ammo, deydi Klinton, agar Eron xalqaro hamjamiyat bilan bu borada hamkorlik qilmasa, uni jazolashga to'g'ri keladi.

AQSh va Rossiya rasmiylari dekabr oyida muddati tugayotgan Strategik qurollarni qisqartirish bitimini yangilash va yadro arsenalini yanada kamaytirishga qaratilgan muzokaralar muvaffaqiyatli kechayotganini ta'kidlagan.

Klinton bugun shuningdek prezident Dmitriy Medvedev bilan ham uchrashib, Afg'onistondagi vaziyat va Barak Obama ma'muriyatining raketa hujumiga qarshi mudofaa rejasining yangicha ko'rinishini muhokama qilmoqda.

Ma'lumki, Barak Obama Jorj Bush prezidentligi davrida ishlab chiqilgan rejadan qaytmoqda. Unga ko'ra, Qo'shma Shtatlar Polsha va Chexiyada radar va raketalar o'rnatib, Eron ehtimoliy hujumidan mudofaa tizimi yaratmoqchi edi. Kreml AQShning yangi rejasi bo'yicha hamkorlik qilishga tayyor ekanini aytmoqda.

Ko'p masalalarda hamkorlik yaxshi yo'lga qo'yilgan bo'lsada, deydi Xillari Klinton, ikki davlat Gruziya hamda bo'lginchi Abxaziya va Janubiy Osetiya masalalari bo'yicha qarama-qarshi fikrda.

Davlat kotibi Moskvada huquq faollari bilan ham uchrashib, Qo'shma Shtatlar Kreml bilan munosabatlarda inson huquqlari va demokratiya masalalarini chetlab o'tmasligini ta'kidlagan.

Sud qaroriga ko'ra, yana bir kishiga umrbod qamoq jazosi belgilangan. Ularning hammasi uyg'ur millatiga mansub ekani aytilmoqda. Shinjon hokimiyati vakili Li Jining aytishicha, hukm xolisona chiqarilgan.

"Oddiy xalq sud qaroriga qanday munosabat bildirishi hozircha noma'lum. Yaqin kunlarda yana bir necha kishiga hukm o'qilishi kutilmoqda. Jarayon qonun doirasida o'tmoqda," deydi rasmiy.

Jahon uyg'urlar kongressi vakili Dilshod Rashidning Amerika ovoziga aytishicha, sud adolatsiz o'tgan, ayblanuvchilar himoya bilan kerakli ravishda ta'minlanmagan.

"Sud tayinlagan advokatlar Xitoy hukumati foydasiga ish tutdi xolos," deydi faol.

O'tgan hafta bir kishi o'limga, boshqasi esa umrbod qamoq jazosiga mahkum etilgan edi. Rasmiy matbuotda bu haqda ko'p ma'lumot berilmagan, ammo ismlaridan ularning xitoy ekani aytilmoqda. Ular iyun oyida Guandon viloyatidagi fabrikada etnik to'qnashuvlarga aloqadorlikda aybdor deb topilgan. O'shanda ikki uyg'ur ishchisi o'ldirilgan edi.

Guandondagi voqeadan g'azablangan uyg'urlar iyul oyida Shinjonda namoyish qilgan. Uyg'urlar va xitoylar o'rtasidagi to'qnashuvda 200 ga yaqin kishi nobud bo'lgan. Ammo uyg'urlarga ko'ra, xitoylar va hukumat askarlari 500 ga yaqin uyg'urni o'ldirgan.

Shveytsariyada imzolangan tarixiy bitimning mazmuni shuki, oradagi kelishmovchiliklarni yengish uchun avvalo hamjihatlik yagona maqsad deb belgilanishi shart. Muzokaralarga AQSh vositachilik qilib keladi.

Kelishuv Armanistonda katta qarshilikka sabab bo’lmoqda. Yerevanda 10 mingga yaqin kishi namoyishga chiqib,Turkiya bilan diplomatik aloqalar o’rnatilayotganini qoralagan.

Armanlar Turkiyadan 1915 yilda Usmoniylar imperiyasi bir yarim million armanni qirib tashlagan va bu genotsid bo’lgan deya tan olishini talab qilmoqda.

Turkiya bunday qilmoqchi emas va rasmiy Anqara nazarida armanlar Birinchi Jahon Urushi kechayotgan qiyin bir davrda ocharchilik va mahalliy mojarolarda o’lgan.

Bu boradagi azaliy bahslarni chetga surib, qo’shni xalqlarning bugungi hayotini yaxshilash maqsadida erishilgan do’stlik bitimiga binoan orada uzoq vaqtdan beri yopiq turgan chegara ochiladi.

Amerika, Yevropa Ittifoqi va Rossiya olqishlagan bu hujjat Turkiya va Armaniston parlamentlari tasdig’idan o’tishi kerak.

Turkiyada ham bu kelishuvdan norozi insonlar ko’p ekan, uning amaliy ijrosi hozircha mavhum.

Xitoyda yana 6 kishi iyul oyida Shinjondagi tartibsizliklarga aloqadorlikda aybdor deb topilib, o'lim jazosiga mahkum etilgan. Yana uch nafariga umrbod qamoq jazosi belgilangan. Uyg'ur faollari sud hukmiga norozilik bildirmoqda.

Yozda Shinjon poytaxti Urumchida uyg'urlar va xitoylar o'rtasida to'qnashuvlar yuz berib, rasmiy ma'lumotlarga ko'ra, 200 ga yaqin kishi o'lgan edi. Sud qilinganlarning aksariyati uyg'urlar. Ular xitoylarni do'pposlab o'ldirganlikda aybdor deb topilgan. Xuddi shunday ayblov bilan bir xitoy ham jazoga tortiladi. U uyg'urlarni o'ldirganlikda ayblangan.

Shinjon hukumati rasmiysiga ko'ra, sud o'z ishini hali tugatgani yo'q.

"Yana bir necha ayblanuvchi o'z hukmini kutmoqda," deydi rasmiy ularning umumiy soni haqida ma'lumot berishdan bosh tortib.

Iyul oyidagi namoyishda undan sal avval Guandon viloyatida ikki uyg'ur ishchisining xitoylar tomonidan o'ldirilganiga norozilik bildirilgan edi. Biroq namoyishlar tartibsizliklarga aylanib ketib, har ikki tomondan qurbonlar bo'lgan.

Dushanba kuni ham olti nafar uyg'ur ayni ayblovlar bilan o'lim jazosiga mahkum etilgan.

Jahon uyg'urlari kongressi rahbari Robiya Qodir sud jarayoni va hukmini adolatsiz deb atab, mintaqada etnik ziddiyatlar yanada kuchayishi ehtimoli haqida ogohlantirgan.

Uning aytishicha, advokatlar ayblanuvchilarga davlat tomonidan belgilanib, mijozlarini oqlash uchun yetarlicha harakat qilmagan. Xitoy rasmiylari esa aksincha sud davlat aralashuvisiz, odil o'tgan deydi.

"Баймак" чегара пости яқинида хизмат олиб бораётган 21 ёшли аскар Чинарбек Чокоевнинг АКС-74 автомат ўқотаридан узилган ўқ яқин ўртадаги кунгабоқар даласидан чиқиб келаетган ёш жувоннинг бошига теккан.

26 ёшли Наргиза Абдулҳаева зудлик билан туман касалхонасининг жонлантириш бўлимига етказилган.

"Аскар қандай қилиб қуролни тайр ҳолга келтирганию, қай тарзда ўқ отилиб кетганини эслолмайди, биз ҳозирча унинг ҳаракатини "бехосдан оғир шикаст етказиш" деб баҳоладик. Иш ҳарбий прокуратурага оширилган, ҳамма нарса ҳарбий терговчилар текширувидан сўнг аниқ-равшан бўлади," - деди Жалол-Обод вилоят ички ишлар бошқармаси матбуот гуруҳи ходими Иброҳим Шатманалиев.

Ҳозирда аскар ҳарбий ҳибсда сақланмоқда.

"Аскар ярим йил муқаддам хизматга чақирилган, аслида у ҳали хом, ўспирин десак ҳам бўлади. Бўлинма командирида ҳам айб йўқ эмас - пухта тушунтириш бермаган, яхши назорат қилмаган," - дея изоҳ берди Жалол-Обод вилоят давлат маъмурияти ҳуқуқ-тартибот тизимлари бўлими бошлиғи Қодир Бечелов.

"Шифокорлар оғир жароҳат олган жувоннинг ҳаётини сақлаб қолишга муваффақ бўлди," - деди жаноб Бечелов.

Жалол-Ободлик расмийлар бундай ноҳуш ҳодиса маҳаллий ҳарбий қисмларда илк бор содир бўлганини айтишади.

Аммо, кузатувчилар тасодифан ўқ отиш ҳоллари аскарлар ичида вақти-вақти билан, масалан, қурол тозалаш пайтида, рўй бериб туришини таъкидлайди.

Аскарлар бир-бирини бехосдан ярадор қилиб қўйган ҳоллар қайд қилинган.

Алмати шаҳридан 200 чақирим узоқликдаги "Маттибулоқ" ҳарбий полигонида Коллектив Хавфсизлик Шартномаси ташкилотига аъзо давлатлар раҳбарлари иштирокидаги “Ҳамкорлик - 2009” ҳарбий амалиётларининг якуний босқичи бўлиб ўтган.
Ушбу машғулотларда 7000 мингдан ортиқ аскар, 90 дан ортиқ ҳарбий учоқ ва 200 дан ортиқ ҳарбий техника қатнашган.

Ўзбекистон ҳам аъзоси ҳисобланадиган хавфсизлик ташкилотининг ҳарбий амалиётларида расмий Тошкент иштирок этмаслигини билдирган.

Кузатувчилар турган жойдан тахминан 1,5 чақирим узоқликда қирувчи ҳарбий учоқлар оғирлиги 100 ва 300 килолик бомбаларни ташлади.

Ушбу учоқлар Қозоғистон мустақилликка эришганидан сўнг биринчи марта катта кўламда ўтказилаётган қўшма ҳарбий амалиётларнинг якунловчи босқичини душманни бўмбабўрон қилиш орқали бошлаб берди.

Шартли душман Коллектив Хавфсизлик Шартномаси ташкилотига аъзо давлатларнинг бирига бостириб киради. Душманни чегарадан сиқиб чиқариш учун ташкилотнинг яқинда тузилган оператив тезкор кучлари ҳаво қўшинларини ишга солади.

СУ-125 ва МИГ-28 каби Россияда ишлаб чиқарилган соатига 800 чақирим тезлик билан учиб зарба бера оладиган қирувчи учоқлар душманнинг зирҳли техникасини бўмбаборон қилиш орқали тўхташга мажбур қилади.

Ҳужумни қайтаришга БТР ва БМП каби ҳарбий машиналарда мотоўқчилар ҳамда юз метр тепаликда туриб нишонга мўлжалга ола оладиган тикучарлар киришади. Ушбу тикучарлар соатига 200 чақирим тезлик билан учиб душманга зарба бера олиши мумкин.

Шундан сўнг икки қанотдан катта тезликда юрувчи танклар ҳужумга киришди.

Коллектив хавфсизлик ташкилотининг оператив тезкор кучларига қарашли ҳарбийларнинг тинмасдан қилган ҳужумлари орқали душман чекинишга мажбур бўлди.

Сўнгра дарага яшириниб кирган отлиқ душманларни қуролсизлантириш ва йўқ қилиш амалиёти бўлиб ўтди.

Фронт чизиғи ва ичи 40 чақиримни ташкил қиладиган 160 минг гектар майдондаги ҳарбий машғулотларнининг сўнггида журналистларнинг кўз олдидан 500 метр узоқликдаги душман эгаллаб олган кимёвий ташкилотни тозалаш ва ундаги тинч аҳолини қутқариш амалиёти ўтказилди.

Машғулотларда мудофаа аскарлари, ички ишлар ва миллий хавфсизлик кучлари, қутқарув хизмати ҳамда дўхтирлардан ташкил топган персоналлар иштирок этди.

Унда жами олти давлатнинг - Россия, Қозоғистон, Тожикистон, Қирғизистон ва Арманистон ҳарбийлари ҳамда давлат раҳбарлари иштирок этди.

Ҳарбийлар давлат раҳбарлари томонидан тасдиқлаган махсус формада қатнашди.

Амалиётлар тугагач, журналистлар олдида суратга тушган президентлар ичида Қозоғистон давлат раҳбари Нурсултон Назарбоев сўз олди. У бугунги амалиётлардан давлат раҳбарларининг кўнгли тўлганини ва бундай машғулотларни тез-тез ўтказиб туриш кераклигини маълум қилди.

“Мудофаа вазирликлари, ушбу амалиётнинг қўмондонлари аниқ ишлашди. Ва биз ушбу амалиётларда қатнашганлардан миннатдормиз. Ва биз президентлар ушбу амалиётларда фаол иштирок этганларни рағбатлантириш ҳақида буйруқ берамиз,” деди Президент Нурсултон Назарбоев.

Коллектив Хавфсизлик Шартномаси ташкилотига аъзо давлатларининг оператив тезкор кучлари шу йил 14 июнида Москвадаги учрашувда ташкил қилинган эди. Унга ташкилотга аъзо Ўзбекистон ва Белоруссиядан ташқари ҳамма давлатлар қўшилган. Белоруссия ушбу кучларга қизиқиши борлигини билдирган. Ва бугунги машғулотларга ўз вакилини ҳам юборган.

Аммо Ўзбекистон ҳукумати ушбу кучларга ҳозирча қўшилмаслигини маълум қилган.

Ҳукуматга яқин доирадаги кузатувчиларнинг фикрича, расмий Тошкент ташкилот олдига ўз шартларини қўйган.

Унга кўра, оператив тезкор кучларни ишлатишга қарор бериш фақатгина келишувлар асосида бўлиши, яъни ташкилотга аъзо давлатларнинг кўп овози билан ҳал бўлмаслиги керак.

Бундан ташқари Ўзбекистон олдинга сурган шартлар ичида ушбу кучларни бирор давлатга юбориш ўша давлатнинг ички қонунларига зид келмаган ҳолда амалга оширилиши мумкинлиги ҳақидаги шарт ҳам бор.

Bundan 400 yil muqaddam ingliz dengizchi Genri Gudzon Shimoliy Amerikaning sharqiy qismini kezib, bugun biz bilgan Nyu-York bog’ozini kashf qilgan. Oradan ko’p o’tmay qit’aga gollandlar kelib o’rnasha boshlagan. Shu atrofda Yangi Amsterdam shahri paydo bo’lib, hindular bilan savdo yo’lga qo’yilgan. Bugun jahon ahli bu yerlarni Nyu-York deb biladi.

Shahar bugun besh tumandan iborat: Manxettan, Bruklin, Bronks, Kvins va Steyton Ayland.

Nyu-Yorkning salobatini ko’rib, qachonlardir bu maskan jimmitday, ko’rimsiz orol bo’lganiga ishonging kelmaydi.

Nyu-Yorkdagi Janubiy Bandargoh Muzeyida orol tarixiga oid muhim hujjatlar saqlanadi. O’tmishda hudud gollandlar mulki bo’lgan. Niderlandiya Milliy Arxivi direktori Martin Berends 1624 yilda Gollandiya zodagonlari bitgan maktubni o’qib beradi.

“Hazrati Oliylari. Ma’lumingiz bo’lsinkim, Yangi Amsterdam nomli kema uzoq safardan Gollandiyaga qaytgan. Kema kapitani bilan gaplashdim. Odamlarimiz omon. Sog’lom farzandlar dunyoga kelmoqda. Qishloqlar bunyod etilmoqda. Manxetten orolini 60 guldenga sotib olgan emishmiz. Kema anchagina mol-dunyo bilan qaytibdi”.

Bu xat Nyu-York 400 yillik tarixga ega ekanidan nishona.

“Bu dalil – gollandlar Yangi Amsterdam nomli shaharga asos solgan. Sizu-biz uni Nyu-York shahri deb bilamiz,” – deydi Berends.

O’sha maskan xaritasida oroldagi uylarni, yo’llar va rejalangan qishloqlarni ko’rasiz.

Yana bir xaritada esa Manxetten jajji orol qilib tasvirlangan. Britaniya mustamkalasi bu manzarani butunlay o’zgartirib yuboradi.

Tarixchi, arxitektor Barri Lyuisning aytishicha, inglizlar orol maydonini kattaroq qilish uchun atrofdagi daryoni axlat bilan to’ldirgan. Dunyoning turli burchaklari, ayniqsa Yevropadan muhojirlar oqib kela boshlagan.

“XIX asr boshida 100 ming odam yashar edi orolda”, - deydi olim. “1875 yilga borib Manxetten aholisi bir milliondan oshgan. 1910 yilda esa orolda 2 million aholi yashar edi”.

Manxettenda ko’chmas mulk qimmatlasha bordi. 1883 yilda Bruklin ko’prigi qurib bitkazildi. Aholi orol atrofidan arzonroq yer, uy-joy sotib ola boshladi.

“Ko’prik ishni osonlashtirdi. Foytun yoki ot minib yoki piyoda borib kelar edi odamlar ”, deydi tarixchi.

Ko’p o’tmay metro qurildi.

“Nyu-York yer osti yo’lining xizmati shu bo’ldiki, besh sent to’lab, orolni u chekkasidan, bu chekkasigacha kezib chiqib, markazga qatnash mumkin bo’ldi. Shahar chekkasida aholi punktlari qo’ziqorinday ko’paya boshladi. Oddiy odam uy sotib olib, ishga qatnashi mumkin bo’lib qoldi”,-deydi olim Lyuis.

Biroq bizneslar, idoralar Manxettenda edi. Shahar endi eniga emas, bo’yiga qarab o’sa boshladi. O’smono’par binolar paydo bo’ldi.

“Aholi qo’rquvda - to’fon tursa, binolar qulab tushadi deb o’ylar edi”, deb izohlaydi olim. “Ijaraga berilayotgan uy osmono’par bino oldida bo’lsa, sho’riga sho’rva edi. Odamlar eee, ustiga qulab tushadi, deb bu uylar yaqiniga yo’lamasdi”.

Biroq mana shu haybatli, beso’naqay binolar soni oshgandan oshdi. Imperiya shtati binosi, Kraysler binosi va hokazo-- biri-biridan baland.

“Hamma gap pulda. Pul, mol-dunyo uchun qurilgan bu shahar”,-deydi tarixchi Lyuis.

Ammo Nyu-Yorkdagi hamma imoratdan ham pul isi kelavermaydi.

Mashhur Vashington Ravoqi, nomi tillarda doston Guggenxaym Muzeyi va yana o’nlab binolar nafis me’morchilik namunalari, Nyu-York shahri g’ururi sanaladi.

Tarix qiziq ekan, bundan 400 yil avval kelgindilar qadam qo’yib, savdo-sotiq rivoj topgan maskanda bugun ham bozor qaynaydi. Bu ko’chani esa odamlar bugun Voll-Strit – dunyo savdo markazi deb atashadi.

Гулнора Каримова "Швейцария бойлари" рўйхатида

Швейцарияда чоп этиладиган нуфузли иқтисодий ойнома "Билан" мамлакатда яшайдиган энг бадавлат шахслар рўйхатига бу йил Ўзбекистон президенти қизи Гулнора Каримовани ҳам киритган.
Ойномага кўра, Ўзбекистонинг Женевадаги БМТ ваколатхонаси раҳбари Гулнора Каримова Швейцарияда истиқомат қилувчи бадавлат аёллар орасида тўққизинчи ўринда.

Ойнома Каримова хоним маблағларини 600 миллион америка долларига тенг, дея тахмин қилган.

Би-би-си "Билан"да чоп этилган рўйхат муаллифларидан бири Никола Пенгуэли билан боғланиб, Гулнора Каримова маблағлари ҳақидаги маълумот қаердан олингани ва не қадар ишончли эканлигини сўради.

Никола Пенгуэли:Гулнора Каримова бу йил Женевада бир йирик уй, кўчмас мулк сотиб олган. Бу уй Женева четидаги Колонье мавзесидадир. Шунинг учун биз уни Швейцарияда яшовчи бадавлат шахслар рўйҳатига киритдик.

Би-би-си: Биргина шу уйни сотиб олгани учун уни бадавлат шахслар рўйхатига киритдингларми?

Никола Пенгуэли:Ҳа, бу уйни сотиб олганини эшитганимиздан сўнг бизнинг журналистлармиздан бири текширув олиб борди. Текширувларимиз натижасида Гулнора Каримованинг телекоммуникациялар, матбуот, таълим-тарбия соҳаларида фаолият олиб борувчи ишбилармон аёл эканлиги аниқланди.

Би-би-си: Унинг Женевада сотиб олган уйининг нархи қанча экан?

Никола Пенгуэли:Бу уйни у 18.2 миллион Швейцария франкига сотиб олган. Бу 18.2 миллион Америка долларига тенг.

Би-би-си: Бу уй шахсий мулк сифатида сотиб олинганми ё БМТ ваколатхонаси учунми?

Никола Пенгуэли:Бу шахсий мулк.

Би-би-си: Бу уйнинг шахсий мулк эканлиги ҳақидаги маълумотни қайси манбадан олгансизлар? Бу тасдиқланган маълумотми?

Никола Пенгуэли: Айтганимдек бизнинг журналистимиз бу борада текширув олиб борган. Бу маълумот савдо-сотиқни қайд қилувчи реестердан олинган.

Би-би-си: Бу кўчмас мулкдан ташқари Каримова хонимнинг маблағлари ҳақида яна қандай маълумотларни ола билдингиз?

Никола Пенгуэли: Биз унинг 600 миллион Швейцария франкига тенг маблағи борлигини тахмин қилдик. Лекин Каримованинг ўзи бу маълумотни тасдиқламади, унга кўра бу маблағ ошириб кўрсатилган.

Би-би-си: Сиз шахсан Каримованинг ўзи билан бу борада гаплашдингизми?

Никола Пенгуэли: Текширувни олиб борган журналист Каримованинг вакили билан гаплашган. Аммо биз текширувлармиз натижасида бизнинг тахминимиз тўғри, деб ҳисоблаймиз.

Би-би-си: 600 миллион Швейцария франки ё 600 миллион Америка доллари деган тахминингиз Гулнора Каримованинг Швейцария банкларидаги ҳисобларида бўлган пуллари асосида чиқарилганми?

Никола Пенгуэли: Йўқ, банкдаги ҳисоблар ҳақида биз маълумот ололмаймиз, ҳеч ким бундай маълумотни ололмайди, бу шахсий ёпиқ маълумот ҳисобланади. Бу Гулнора Каримованинг жаҳон бўйлаб эга бўлган маблағлари асосида қилинган тахминдир.

Би-би-си: Ҳар бир шахснинг банк ҳисобларидаги маблағлари ҳақидаги маълумот шахсий ва ёпиқ эканлигини биламиз, шундай экан, сиз даъво қилаётган маблағ ҳақида ишончли маълумот олишнинг имкони бормикан?

Никола Пенгуэли: Биз маълумотларимиз ишончли, дея ишонамиз. Бизнинг журналистларимиз маълумотларни қайта-қайта текширувдан ўтказадилар. Маблағлари ҳақида сўз кетаётган шахснинг ўзи билан ҳам боғланишга ҳаракат қиламиз. Биз текширувларимизни обдон ўтказишга ҳаракат қиламиз.

Би-би-си: Демак сиз Гулнора Каримованинг вакили билан гаплашган вақтингиз у сиз келтираётган рақамлар ошириб келтирилганлигини айтибди, бунинг ўрнига бошқа аниқроқ маълумотларни бердими?

Никола Пенгуэли: Йўқ, менинг билишимча, Каримованинг маблағи ошириб тахмин қилинганлигини айтишдан ташқари бошқа маълумотларни бермаган.

Би-би-си: Сиз энг бадавлат кишилар рўйхатини биринчи бор чоп этаётганингиз йўқ. Ўтмишда кимдир "мен ҳақимда нотўғри маълумот берибсизлар", деб шикоят қилган вақтлари бўлганми?

Никола Пенгуэли: Йўқ, менинг билишимча, бундай шикоятлар бўлмаган. Лекин одатда ҳеч ким ўзи ҳақида чоп этилган маълумотни тасдиқламайди ҳам.

Камбоджа камида 20 хитойлик уйғурни мамлакатдан чиқариб юборишини айтмоқда.
Улар июл ойидаги этник ғалаёнлар ортидан Хитойни тарк этиб, Камбоджада сиёсий бошпана изловчи мақомида бўлишган.

Ҳукумат воизининг айтишича, уйғурлар Камбоджага ноқонуний кирганликлари учун ватанларига қайтарилиши мумкин.

Шу пайтга қадар уйғурларнинг тақдири борасида кўп нарса маълум эмасди.

Бироқ Хитой президенти муовинининг ташрифи аниқ бўлиши билан, камбоджалик расмийлар ўз қарорларини беришди.

Ҳукумат воизининг айтишича, муҳожирлик қонунларига биноан уйғурлар мамлакатга ноқонуний киришган.

Бундан икки ҳафта бурун бир гуруҳ уйғурларнинг Камбоджада пайдо бўлиши бу ерда муаммоларга сабаб бўлди.

Камбоджа Бирлашган Миллатларнинг "Муҳожирларга оид конвенцияси"га имзолаган жанубий-шарқий Осиёдаги ягона давлатдир.

Мамлакат охирги пайтларда Хитой билан ҳам алоқаларини ниҳоятда кучайтирган.

Хитой ҳозир Камбоджага энг катта ёрдам берувчи ва сармоя киритувчи давлатга айланган.

Келаси ҳафта ҳам икки томонлама қатор битимларнинг имзоланиши кутилмоқда.

Камбоджа ҳукумати ниятини жаҳон ҳамжамияти кескин қораламоқда.

АҚШ элчилиги Камбоджани халқаро қонунлар доирасида олган мажбуриятини ҳурмат қилишга чақирган.

Бирлашган Миллатлар Ташкилоти эса ҳукуматдан уйғурларни депортация этмасликни талаб қилган.

Уйғурлар тарафдорларининг айтишларича, улар Хитойдаги таъкқблардан қочиб келишган.

Насроний миссионерлар тармоғи уларнинг Хитойдан Бирлашган Миллатларнинг Камбоджадаги идорасига келишларига ёрдам берган.

30.12.2009 12:39 msk

Ўзбекистонда 27 декабрь куни парламент сайловлари бўлиб ўтди. Ўзбекистон Марказий сайлов комиссияси 27 декабрь туш пайтига келиб республикада парламент сайловлари бўлиб ўтди дея билдирди. МСК маълумотига кўра, эрталабдан шу чоққача сайловчиларнинг ярмидан кўпи овоз бериб бўлган эканлар. “Фарғона.Ру” мухбирлари пойтахтдаги сайлов участкаларидан бирига бориб овоз бериш иштиёқи билан ёнаётган сайловчиларни ўз кўзлари билан кўриб келишга аҳд қилдилар. Йўлма-йўл учраган одамларнинг фикрини сўрадилар

Янги йил арафасида АҚШ ва Россиянинг Ўзбекистондаги элчихоналари икки томонлама муносабатларни ёритиш бўйича журналистик танловлар якунларини эълон қилдилар. Танлов ғолиблари орасида “Фарғона.Ру” ахборот агентлигининг штатсиз мухбирлари Сид Янышев, Сергей Наумов ва Павел Кравецлар бор. “Фарғона.Ру” таҳририяти ҳамкасбларимиз ва дўстларимизни танловдаги ғалаба ва кириб келаётган Янги йил билан чин кўнгилдан қутлайди!